याम्बु । ब्रिखेन रविन्द्र तामाङ थेन सोनी तामाङसे ब्रिबा ‘तामाङ लोककथा संगालो’ला काठुइ बेल्बो २८ गते कामरेकुनु तासेला ग्रा मुला ।

चु काठुइ गेताङ तामाङ स्योमि गेदुनसे स्हेङ्बा हिन्ना । गेताङ डेनिस हल, पद्यकन्या बहुमुखी क्याम्पस, बागबजार, याम्बुरि रेला १ ङ्ह्यामाहेन्से ३ ङ्ह्यादेदोना तासेला मुला ।

छ्योइफिरि ग्योइकाइब्रिखेन फुलमान बल, सहप्राध्यापक विमला नेपाल, उपप्राध्यापक कुमारी लामा थेन ग्योइकाइब्रिखेन बिना थिङसे क्योइका लासेला मुला ।

गेताङरि दोसि छ्योइफिला काठुइरि बोकिन्बारि क्योङ्ला स्हेङ्खेन टिमसे म्होइजेन लाबा मुला ।

(छिगला अर्थः बेल्बो– असार, ग्रा– सूचना, कामरे– शनिबार, स्योमि– पत्रकार, गेदुन– संघ, ग्योइकाइब्रिखेन– साहित्यकार, क्योइका– समिक्षा)