म्हिसे ताले बिमुला
म्रिङकोलाला आरे तिलाइ राङ्ला
ङाइ च्याबा दोक्साला म्हिगादे
म्रिङकोलाला लिसाङ ब्राबाला ।
आपाला दिमरि नोरग्युमा ङा
रेम्बाला दिमरि जिन्नाङ 
जाला दिमरि साब्जि आमा ङा ।
ङाग्याम ह्याङ्ला लाबारि
खालाइसे लाखाम्ला ?
आपाला धिम ख्लासिनोन
स्यान्दा चुङ्सि थान्बा ङा ।
गिकसे ङी ह्रुइरि पोबा ङा
तासाइनोन आमा तासिनाम 
दुङाल न्हासि चिबा ङा ।
ह्युल आमानो म्रिङ्कोला हिन्ना
म्रिङकोला साब्जि आमा
म्रिङकोला चु जाम्बुलिङला
दोक्नोनला केवा आमा ।
फो ह्रुइ छोक्पारि
फोसेनदा न्हाबा सोबा लाबा
सेसि थानो चु फोसेनदा
म्रिङकोलासे फो पुइसि थान्बा ।
दोङ्बो दुइसे चु जाम्बुलिङ
ङाला काङ दिरि मुला
ङा आरेसाम चु जाम्बुलिङ 
दोक्नो आवाल्बा ताला ।

दोःबा : प्रदीप ब्लोन