ङाला पिङ्गाइ
ङाला सेमला पिङ्गाइ
ङाला तिङ्ला पिङ्गाइ ।
एसेम ङादा म्लेजि ताला
काङ्बालेसे प्लेजि ताला
एला सेमग्याम्से ङादा तेजि ताला
एला तिङग्यामसे ङादा तेजि ताला
ङाला पिङ्गाइ
ङाला सेमला पिङ्गाइ
ङाला तिङ्ला पिङ्गाइ ।
ङाइमि एदा म्लेबा आरे
काङ्बालेसे प्लेबा आरे
ङाइमि एदा म्हुना म्हाङरि म्राङ्बा मुला
दिनिरि ब्राबा ताङरि थुम डान्बा मुला
ङाला पिङ्गाइ
ङाला सेमला पिङ्गाइ
ङाला तिङ्ला पिङ्गाइ ।
एतेन ङा प्रेप्रे क्लाङ्बा रे
एतेन ङा प्रेप्रे ताङ्बा रे
हुलहुल डान्सि टिबा मुला
कुतिङरि थान्सि टिबा मुला
ङाला पिङ्गाइ
ङाला सेमला पिङ्गाइ
ङाला तिङ्ला पिङ्गाइ ।
७ फेब्रुअरी, २०२६, खालोङपेरो, मुक्पा, तेमाल, काभ्रे ।
तपाईको प्रतिक्रिया दिनुहोस