याम्बु १५ ड्वाफ्रे । नेपाल ललितकला प्रज्ञा प्रतिष्ठानग्याम स्हेङ्बा राष्ट्रिय ललितकला प्रदर्शनी– २०८२ ला दुइसाङरि गोर च्युइ विधारि म्हेन्दो कु तामाङ खाइबाकादे पुरस्कृत ताबा मुला ।  

प्रतिष्ठानला गेदिम नक्साल याम्बुरि नारेकुनु राष्ट्रिय ललितकला प्रदर्शनी–२०८२ गेताङ तिबा ताङरि ल्होलो ल्होलो विधाला खाइबाकादेदा पुरस्कृत लाबा हिन्ना ।

गेताङला ग्रेनडोन्बो रिमठिम, पर्यटन थेन नागरिक उड्डयन लोन्पो ओसेम प्रतिष्ठानला संरक्षक बद्रीप्रसाद पाण्डेसे ठोङ्स्हेङ लासि खाइबाकादेदा पुरस्कार बोलाबा हिन्ना ।

‘अरनिको ललितकला राष्ट्रिय प्रज्ञा डेन’ अग्रज खाइबाजुगु डा. सीमा शर्मा शाह थेन मङ्गल लामादा पिन्बा मुला । १ लाख ५० हजार न्होरला छ्याम डेन स्योग्याम डेन लाबा मुला । राष्ट्रिय ललितकला ब्रिबा पुरस्कार सरोज बज्राचार्य, राष्ट्रिय ललितकला स्योनाम पुरस्कार ताङ्से गोरखापत्र रेदाङ्से थेन नेपाल टेलिभिजनला शिवा तामाङ थेन हेमन्त गौतमदा पिन्बा मुला । चु पुरस्काररि ६० हजार न्होर थेन डेन स्यो मुला । ललितकला स्योनाम पुरस्काररि ३०÷३० हजार न्होर थेन डेन स्यो मुला ।

सर्वोत्कृष्ट राष्ट्रिय ललितकला पुरस्कार विनम्र डङ्गोल (परम्परागत चित्रकला) दा पिन्मुला । चु पुरस्काररि १ लाख न्होर थेन डेन स्यो मुला ।

राष्ट्रिय ललितकला पुरस्कार समसामयिक चित्रकला होना कृष्ण लामा, समसामयिक÷आधुनिक मूर्तिकलाहोना चन्द्रमणि मगर, परम्परागत चित्रकलाहोना  शंकरकुमार जोशी, परम्परागत मूर्तिकलाहोना सुरेश लवट तुलाधर, शिल्प–हस्तकलाहोना राजकुमार शिल्पकार, वास्तुकला थेन लोककलाहोना ज्योतिकुमारी सापकोटा, बहुआयामिक थेन स्ह्यान सिर्जनात्मक कला न्हाङरि फोटोग्राफीहोना  सफल प्रकाश श्रेष्ठदा पिन्बा मुला । चु पुरस्कार ६० हजार न्होर थेन डेन स्यो मुला ।

थेराङनोन लासि राष्ट्रिय ललितकला छारप्रतिभा पुरस्कार भीमबहादुर बिकदा ६० हजार न्होरला छ्याम पिन्बा मुला । प्रादेशिक ललितकला छारप्रतिभा पुरस्कार कोसीग्याम भावना गुरुङ, मधेसग्याम निरुपम जयसवाल, बाग्मतीग्याम सुप्रिना ग्लान, गण्डकीग्याम धावा दोर्जे गुरुङ, लुम्बिनीग्याम रुकैया वानु, सुदूरपश्चिमग्याम निशान्त सुनारदा ३० हजार न्होरला छ्याम डेन स्योसे डेन लाबा मुला ।

प्रादेशिक उत्कृष्ट ललितकला पुरस्कार ताङ्से कोसीग्याम ङावाङ छिरि शेर्पा (परम्परागत चित्रकला), मधेसग्याम सोनाम सिंह ब्लोन (हस्तकला) बागमतीग्याम रीना शाक्य (परम्परागत चित्रकला), गण्डकीग्याम दलबहादुर गुरुङ (समसामयिक चित्रकला), लुम्बिनीग्याम लिलाधर केसी (समसामयिक चित्रकला), कर्णालीग्याम कुमारी सिता मल्ल (समसामयिक चित्रकला), सुदूरपश्चिमग्याम रमेश कडायत (समसामयिक चित्रकला) दा ५० हजार न्होरला छ्याम डेन स्योसे डेन लाबा मुला ।

थेराङनोनलासि, प्रादेशिक ललितकला पुरस्कार समसामयिक चित्रकला विधाहोना  कोसीग्याम महेन्द्र राई, मधेसग्याम युगेश घिमिरे, बाग्मतीग्याम सुन्दर लामा, गण्डकीग्याम मनोज तामाङ, लुम्बिनीग्याम आकाश बुढा मगर, कर्णालीग्याम  थुक्तेन लामा, सुदूरपश्चिमग्याम दिपक आउजी, समसामयिक मूर्तिकलाहोना  कोसीग्याम सुमन राई, मधेसग्याम योगेन्द्र पण्डित कुम्हार, बागमतीग्याम करुणा श्रेष्ठ, गण्डकीग्याम रिहाना परियार, लुम्बिनीग्याम बुद्ध थारू, कर्णालीग्याम टोपेन्द्र डाँगी, सुदूरपश्चिमग्याम महेन्द्र पुन मगर, परम्परागत चित्रकला विधाहोना  कोसीग्याम दावा साङ्मु शेर्पा, मधेसग्याम सोनम सिंह ब्लोन, बागमतीग्याम रोशन ख्याजु, कर्णालीग्याम सोनाम डोल्मा तामाङ, परम्परागत मूर्तिकलाहोना कोसीग्याम प्रतिक मञ्जुल बराइली, बागमतीग्याम महेश शिल्पकार, शिल्प–हस्तकलाहोना  कोसीग्याम शिव छाङ्छा (शिवकुमार राई), मधेसग्याम सन्तोष यादव, बागमतीग्याम सरोज सुनार, गण्डकीग्याम विष्णु मुक्तान तामाङ, लुम्बिनीग्याम  बाल गोविन्द त्रिपाठी, कर्णालीग्याम शुर्प नारायण शाही, सुदूरपश्चिमग्याम लालबहादुर कुमाल, वास्तुकला तथा लोककलाहोना कोसीग्याम माधवी कर्ण, मधेसग्याम आरतीकुमारी साह, बागमतीग्याम युनेस नापित श्रेष्ठ (वास्तुकला), लुम्बिनीग्याम संचिता अग्रहरी, सुदूरपश्चिमग्याम मित्थु थारू, बहुआयामिक थेन स्ह्यान सिर्जनात्मक कला न्हाङ्ला प्रतिस्थापन कलारि बागमतीग्याम विनयबहादुर रिमाल क्षेत्री, कला फोटोग्राफीरि कोसीग्याम अर्जुन कुलुङ राई, मधेसग्याम प्रशान्त चौधरी, गण्डकीग्याम सृजना भुर्तेल, लुम्बिनीग्याम मनी राम पन्थ थेन सुदूरपश्चिमग्याम माधव ओझादा ३०÷३० हजार न्होर थेन डेन स्योग्याम पुरस्कृत लाबा मुला ।

चु दिङला प्रतिष्ठानला उत्कृष्ट कर्मचारी डेनरि बिसाम धनबहादुर श्रेष्ठ थेन सिर्जना तामाङ राईदा पिन्बा मुला ।

निबा दिङहेन्से तिबा ‘सहिद कलाकार अनिल लामा स्मृति–ललितकला) पुरस्कार २०८१’ खाइमो अस्मिना रञ्जित थेन ‘सहिद कलाकार बाबुराम लामा स्मृति (ललितकला) पुरस्कार २०८१’ गंगाधर सारुदा ५०÷५० हजार न्होरला छ्याम डेन लाबा मुला ।

प्रतिष्ठानला ह्रोम्हिगाउराइ देवेन्द्रकुमार काफ्ले ‘थुम्केली’ ला आन्सार चुपाल्से ५७१ खाइबाला ६०६ कलाकृति प्रदर्शनिरि थान्बा मुला ।

विधागत रूपरि समसामयिक चित्रकला २०८, परम्परागत चित्रकला ७३, समसामयिक÷आधुनिक मूर्तिकला ५२, परम्परागत मूर्तिकला १८, वास्तुकला तथा लोककला ८८, शिल्प–हस्तकला ७९, बहुआयामिक तथा स्ह्यान सिर्जनात्मक कलाअन्तर्गत छविकला ५९, प्रतिस्थापन कला ९, कार्टुन १४, क्यारिकेचर ३, डिजिटल १, भावभङ्गी कला २ कलाकृति प्रदर्शनिरि थान्बा मुला ।

‘राष्ट्रिय ललितकला प्रदर्शनी २०८२’ जेठ ३० गते दोना स्ह्योरि १० हेन्से ङ्यासे ५ ङ्यामा दोना तासेला मुला ।