याम्बु १४ बेल्बो । ह्याङ्ला रिमठिम तामाङ डम्फु गेदुङला गिक्छा जोम्नाला ठ्वाङ्सेन १४ बेल्बोरि गोकर्णेश्वररि लाजि । तामाङ ह्युल्बाला ग्युइ, काइ थेन व्हाइ, ग्युइलदा सोना, ल्हेना लाबा दोखाङ थोसि चु गेन्दुन स्हेङ्बा हिन्ना ।

गोकर्णेश्वर नगरपालिकाला उपप्रमुख सन्नानी लामााला ग्रेनडोन्बोरि गेताङ ताबा मुबा । गेताङरि उपप्रमुख लामासे तामाङ ग्योइला ह्रावा लाबा थेन छार पुस्ताता च्योल्तोबारि बाङ पिन्जि ।

लामासे पाङ्जि, ‘तामाङ ह्वाइ ङ्यान्मा तामाङ ग्योइदा ल्हेना लाबा म्राङ्सि ताङ्बा खामुला । म्हिला ग्योइबिमा ह्राङ्लान ग्योइ ज्याबा तामुला थेतासि बेनान तामाङकादेसे अनिवर्य ह्राङ्ला ग्योइ लोप्तोला ।’ लामासे ह्राङ्ला ग्योइ सोना लाबारि मुतेबा तामाङ ग्लागिरि तातोबा तामरि बाङ पिन्जि ।

गेताङ ह्याङ्ला रिमठिम तामाङ डम्फु गेदुङला चोहा लोकबहादुर तामाङ (घिसिङ)ला चोहोदानरि ताबा मुबा ।

गेताङ संचालन बुद्ध लामा थेन झलक लामा (पाख्रिन)से लाबा मुबा ।

गेताङरि ल्होलो काइपा–काइमोकादेसे व्हाइ कोबा मुबा बिसाम तामाङ जुहारी कलाकार गेदुङ, नेपाल तामाङ माउलिक व्हाइला न्हान, ओखलढुङ्गा–याम्बु तामाङ सेवा समाजसे बोकिन्बा मुबा । छ्यामरि ल्होलो गेदुङ–गेन्दुनकादेला प्रतिनिधिकादेसे बोकिन्बा मुबा ।

(छिगला अर्थः गेदुङ– संघ, बेल्बो– असार, ग्युइल– कला, गेन्दुन– संस्था)