ह्रिकरुप तेन्तोबा स्योमिला प्रमुख व्यवसायिक धर्म हिन्ना : प्रेस काउन्सिल ह्रोम्हि सन्तराम बिडारी
हेटौंडा । प्रेस काउन्सिल नेपालला ह्रोम्हि सन्तराम बिडारीसे मकवानपुरला यान्पाङ्म्हिकादेतेन स्योनाम थुमला दुइ, चुनाउती थेन समन्वयला नुररि नुप्बा काठुइ लाबा मुला ।
हेटौंडा ४ ला भुग्रो रेस्टुरेन्टरि ताबा गेताङरि नेपाल स्योमि गेन्दुनछेन बागमती प्रदेश चोहो कृष्ण सारु मगर, वरिष्ठ स्योमि ओसेम ग्लेठिमखेन्पो देवराज रिजाल, गेन्दुनछेन महावानपुरला स्यानचोहो ध्रुव अधिकारी, छ्यागाउराइ शिव चौलागाई, न्होरचोहो प्रदीप अधिकारी, प्रेस चौतारी नेपाल मकवानपुरला चोहो सरीता दाहालतेन ल्होलो यान्पाङ्म्हिकादे बोकिन्बा मुबा ।
गेताङरि बोकिन्बिा स्योमिकादेसे वगीकरण प्रक्रिया गाइबा, क्योङ दिङ झन्झटिलो तोसोसे कागजात पिन्तोबा, डिजिटल प्रणाली आरेबा, मापदण्डला अव्यवहारिकता, खन्डन स्यो सम्बन्धी ख्योल्बा अभ्यास थेन स्थानीय विज्ञापन सुनिश्चितता ह्राङ्बा नुररि स्पष्ट ङ्योइबा थेन सुझाव थान्जि ।
स्यानचोहो ध्रुव अधिकारीसे वर्गीकरणला नतिजा गाइबा थेन प्रक्रिया देबाः आरेबासे स्योनाम अभ्यासरिन काबा बिसि पाङ्जि बिसाम केन्द्रीय ह्रोम्हि पुष्पराज अधिकारीसे वर्गीकरण थेन विज्ञापनला मापदण्ड व्यवहारिक आरेबा, जाजा थेन ग्रामिण यान्पाङस्हेग्यामजुगु उपेक्षित ताबा गुनासो लाजि ।
बागमती प्रदेश चोहो कृष्ण सारु मगरसे खण्डन स्यो खाबाइतेन तुरुन्त खण्डन लातोबा दबबा ख्योल्बा बिसि प्रेस काउन्सिलसे डिजिटल युग आन्सार ह्राङ्दा सुधार लातोबा धारणा थान्जि । जोङ चोहो सरिता दाहालसे मकवानपुररिन केबा शान्तराम बिडारीदा जोङ्ला स्योनाम थुमरि ‘अभिभावक’ला भुमिका क्लाङ्बारि म्होइजेन लाजि ।
स्योमि देवराज पन्तसे मकवानपुरला उद्योग कलकारखानाग्याम जोङ्लान यान्पाङस्हेग्यामदा प्राथमिकता पिन्सि विज्ञापन सुनिश्चित लातोला ताम थान्जि ।
स्योमिकादेला जिज्ञाशाला निसाल पिन्बान सन्तराम बिडारीसे प्रेस काउन्सिलसे दारे तथ्य थेन प्रमाणला दानःरि जेक्खे निर्णय किन्बा, ठाडो उजुरी खासाइ नोन अनुसन्धान लिच्छा जेक्खे स्यो थाबा, वर्गीकरणला प्रक्रिया देबाः स्होबारि डिजिटल प्रणालीरि निलाबा थेन मापदण्ड प्रदशे अनुकुल व्यवहारिक स्होसेला योजना पाङ्जि ।
(छिगला अर्थः ह्रिकरुप– आचारसंहिता, तेन्बा– पालना, स्योमि– पत्रकार, स्योनाम– पत्रकारीता, यान्पाङम्हि– संचारकर्मी, नुर– विषय, काठुइ– छलफल, गेन्दुनछेन– महासंघ, स्यानचोहो– उपाध्यक्ष, छ्यागाउराइ– सहसचिव, तोसो– ढंग, स्यो– पत्र, ख्योल्बा– गलत, देबाः– सहज, जोङ– जिल्ला, केबा– जन्मिएका, म्होइजेन– आग्रह/अनुरोध, दानः– आधार)
तपाईको प्रतिक्रिया दिनुहोस