मुद्धती ठ्वाङ्बा थेन मुद्धती छे किन्बा ङ्हीनोन सुविधा दारे मोबाइल बैंकिङ एपरि

याम्बु । ह्युलनाङ डिजिटल बैंकिङ सेवा पिन्सिकेन खाबा कामना सेवा विकास बैंक लिमिटेडसे ह्राङ्ला मुद्धती खाता मुबा ग्राहककादेला लागि आउदिन उपयोगी सुविधा तिबा मुला ।
कामना सेवा विकास बैंकला मोबाइल बैंकिङ एपग्याम मुद्धती खाता ठ्वाङ्बा सुविधा मुबारि दारेम ग्राहककादेसे ह्राङ्ला मुद्धती खातारि मुबा न्होरला दानःरि तोबा दुइरि बैंकला मोबाइल बैंकिङ एप ‘KIMoblie’ ग्याम नोन छेला आवेदन पिन्खाम्बा थेन तुरुन्त न्होर ह्राङ्ला खातारि पोप्बारि खाम्सेला मुला ।
चु ङ्हाच्छा मुद्धती खाताला छे किन्बाला लागि ग्राहककादेसे अनिवार्य लिरि ङामला शाखा गेदिमरि दोसि ल्होलो कागजी प्रक्रिया छ्योना लातोमुबा । चु सुविधा लिच्छा शाखारि आनिना मोबाइल एप ग्यामनोन देबाःलासि छे किन्बारि खाम्बासे ग्राहकला दुइ सोबा, सेवारि सरलता थेन अनुभवरि सन्तुष्टि काप्सेला अपेक्षा लाबा मुला ।
व्यस्त दुइरि नोन ह्राङ्ला मुद्धती खातला न्होर खात्दामान ग्ला ग्याम छे किन्बारि खाम्सेला तामाहेन्से गेदिम दुइ नोन ब्रानआतोबा, बैंकला शाखा दोना नोन दोआतोबा ताबातेन ग्राहककादे प्रत्यक्ष लाभान्वित तासेला विश्वस बैंकसे किन्बा मुला ।
ग्राहककादेदा बैंक दोना दोतोबा बाध्यतादा ताङ्से थुम्ना लाबा उद्देश्यला छ्याम सेवा सुविधाकादेदा प्रविधिमैत्री स्होसिकेन बोर्बा हिन्ना । बैंकसे चुबिमा ङ्हाच्छान अनलाईनग्याम खाता ठ्वाङ्बारि खाम्बा, मोबाइल बैंकिङ एप ग्याम नोन मुद्धती खाता ठ्वाङ्बारि खाम्बा डिछ्या लाजिन्बा मुला ।
(छिगला अर्थः ठ्वाङ्बा– खोल्ने, छे– कर्जा, दानः– आधार, न्होर– रकम, डिछ्या– व्यवस्था)
तपाईको प्रतिक्रिया दिनुहोस