लुम्बिनि २७ तापाग्रेन । लुम्बिनिरि जाम्बुलिङ स्हिवाङ छ्योकु गेताङ ताबा मुला । तापाग्रेन २७ थेन २८ गते ताबा गेताङ छ्योर्तेन टासी तामाङ गोन्बा नयाँबस्ती याम्बु, बौद्ध जागरण केन्द्र थेन बौद्धनाथ क्षेत्रविकास दाछोक डिक्सि लुम्बिनिला मायादेवी लाथान ख्राङ्गारि गेताङ स्हेङ्बा हिन्ना ।

जाम्बुलिङरि मुबा मुतेबान म्हिल्हुइ हेन्से सेम्च्यानकादेदा ज्याबा तागाइ, स्हिवाङ तागाइ, छे ह्रेङ्सि निगाइ बिबान क्याब्जे खेनरिन्पोछे गेसे थुप्तेन चोन्नीला ग्रेनडोन्बोरि गेताङ स्हेङ्बा हिन्ना ।

गेताङला लिच्छाला रे कुनु बिसाम छेवाङ दोन्बा छ्योर्तेन टासी तामाङ गोन्बोला ह्रोचोहो पेम्बा गोले तामाङसे थासाङ पिन्बा मुला ।  

(छिगकि दोनः जाम्बुलिङ– विश्व, स्हिवाङ– शान्ति, छ्योकु– पूजा, दाछोक– समिति)