याम्बु । हेराङ महानगरपालका वडा १६ कलाकार दाछोकसे तापा १२ गते कामरे ग्याल्साङ फोटो स्योमि छोक्बादा पेनाल्टी सुटआउटमा ३–२ से सोमछा सत्यनारायणबहादुर श्रेष्ठ डान्बा मिडिया कप फुटसल प्रतियोगिताला उपाधि डाबा मुला ।

यान्पाङ ओसेम ग्रा प्रविधिब्लोन जगदीश खरेलसे पाङ्ग्यालरिन दोसि फाइनल क्लाङ च्याबा मुबा । फाइनलला निर्धारित दुइला क्लाङ १–१ से च्योच्योरि जिन्माहेन्से च्याम्पियनला आप्ता पेनाल्टी सुटआउटग्याम ताबा हिन्ना । निर्धारित दुइरि कलाकार टिमला युजेश श्रेष्ठ थेन लोकेश लिम्बुसे गोल लाजि ।

प्रतियोगितारि डाबा टिमला युजेश कु गोलला छ्याम सर्वाधिक गोकलर्ता दोजि । चुह्राङ्नोन एभिएमला नवीन महर्जन उत्कृष्ट गोल ह्रावालाबा थेन फोटो स्योमि टिमला लोकेश सर्वश्रेष्ठ क्लाङमि दाम्जि ।

प्रतियोगिता न्हाङला अन्तर्गत नेवाः स्योमि ग्याल्साङ दबू थेन नेवाः स्योमि ग्याल्साङ दबू, हेराङ गुङ जामेकोलामैत्री फुटसल क्लाङ नोन क्लाङ्बा मुबा । चुरि हेराङला जामेकोला स्योमि टिम टाइब्रेकरमा २–१ से डाबा मुबा ।

(छिगकि दोनः दाछोक– समिति, तापा– पुस, ग्याल्साङ– राष्ट्रिय, स्योमि– पत्रकार, छोक्बा– समूह, यान्पाङ– संचार, ग्रा– सूचना, ब्लोन– मन्त्री, पाङ्ग्याल– मैदान, क्लाङ– खेल, आप्ता– निर्णय, ह्रावालाबा– रक्षक, क्लाङमि– खेलाडी, हेराङ– ललितपुर)