ड्वाफ्रेला ला । होपहोप्पा छेप्बा । टुस्याल टु । पंखा आरेबा जाजाबा कोठा । वाङ्आवाङ म्हि । वक्त थेन ब्रिखेनजुगुला पत्याप आतिबा ताँती । ङ्योइसाङ थेन डोन्बोजुगुला गिक्खे चुरिफुरी–
‘चु गेताङ स्यान्दोसे लाबा हिन्साम ग्रेन थेन ब्लाक्बा हलरि लासेला मुसिम । थेरि पंखाजुगु स्यासेला मुसिम । आरामदायी कुर्सीजुगु तासेला मुसिम । चिया, दिगु थेन कोल्डड्रिंसला कादेहाम चाम्याङ्सेला मुसिम । तासाइ ङान्छे थेह्राङ आलानि । चुबिमा ग्रेन प्रगतिशीलताला नमुना तिला ताबारि खाम्ला ?’
ताली होङ्जि । बोकिन्बाजुगुला हार्बा सुङ थेन सुङ्फि । मलिलो लि । ख्रन्बा थेन फुइबासे ब्लाप्बा ।
ङ्यासेरिक्यार । एयरकन्डिसनला सानदार होटल । ङ्योइसाङ थेन डोन्बोजुगु गुङ्ला खालाइ सोमरस थुङ्बाकेन, खालाइ खसीला काङ्सु क्रेबाकेन, खालाइ नाका प्लिबाकेन, खालाइ तिला लाबानेक... खालाइ तिलाइ लाबाकेन... ।
छिगाला अर्थः ड्वाफ्रे– जेठ, फुइबा– तिर्खा,
दोःबा : यकिना अगाध
तपाईको प्रतिक्रिया दिनुहोस