ङादा थाहा आरे
थे खाला हिन्ना ङाला लागि
चु नोन थाहा आरे ङादा
ङोसेबा मुला व्हा ङोसेबा आरे !
तासाइ ङादा तिल्दा थेला
बेनान ताम ह्राङ्लाह्राङ छोर्ला ।
म्राङ्ला खाइमा थेला तस्वीर
ताम पाङ्बाकेन मुला व्हा कुटिसि चिबा मुला आगो
ङादा च्याबाकेन मुला व्हा च्याबा आरे
ङाइ आम्राङ तासाइ
चु सेमला मिकादे
थेतान म्हाइचिला
मुतेबा पल पलरि
च्याचिबा ताला ।
ब्लाप्बा ल्हुइरि
तोरमोर ताबा दुइरि फेबा फेबा आभास
स्हेर, स्हुला फेबा ङोसेबा
संघर्षला याखारि राप
तासाइ थेदा तिर्याम म्राङ्मा
चु सेम तिल्दा शान्ति ताला ?
थेदा आम्राङ्मा लोङ्बा चु सेम
थेला छिग थेबातेन
क्यार थारेङ ह्यार्बा ङाला सेम
थेला काइरि तोकचिला ।
दारे ङाइ चुदा
खाजिबा मिनसे ङोसेना लासे
खाजिबा सम्बन्धसे चुदा
कोङ्बा बोदाइ ल्हागाब लासे
चेगाइला खाजिबा चाङ्मा मिन
चुरि वाङ्बा मुला
म्हाइबाकेन मुला केवारि
थेला थेन ङाला ङोसेबा
याखारगि चेगाइला प्रतीक दोसि
कोन्ज्योसोमला प्रसाद ह्राङ्बान ।
खरसाङ बजार, दार्जिलिङ, भारत ।
(छिगला अर्थः ङोसेबा– परिचय/पहिचान, राप– कथा, बोदाइ– गाँठो, चेगाइ– प्रेम/माया, चाङ्मा– पवित्र, कोन्ज्योसोम– ईश्वर)
दोःबा : यकिना अगाध
तपाईको प्रतिक्रिया दिनुहोस