ङाला राप

खोबा गोना लाबा मुला ।
ग्रेन लुङ्सुर थेन लाबासे च्यार्बा
दोङ ह्राङ्बान–
रेग्यातसे पिरोलाब लासाइ नोन ।
मिख्लिला मसिसे लाबा हस्ताक्षरतेन नोन
ताङ्बान मुला ।
मौन मुला सेम
परिष्कृत लि किन्सि खाबा
पिरतिबा कठिनाइजुगुला
सामाना नासि
ङेसि सोबा मुला ।
सोसि ङेबा मुला ।
ङाला केवा राप...
जेक्खे डान्बाजुगु
खाला ब्लोसि फ्लिकदोसि निला
उफ !
सातानह्राङ
जाजाकि तिनि नोन ब्रिबा मुला
सेमला मसीसे
भावनाला पन्नारि भंगी डिक्ना लासि–
ङाला केवा खपत ताबारि आखाम्बा
चेगाइला ताम–
दार्से चेगाइ सेमग्याम थोन्सि
निर्जन खालाइला फ्लारि परआतिबा
एकलास उराठ ग्यामरि
आम्राङ्बा लासि म्हाबा मुला
थेसे सेम लासाम स्याप्बा लासि
ङाइ सेम लासाम आस्याप्बा लासि लाबा मुला–
ङाला केवा राप !
(छिगकि दोनः राप– कथा, खोबा– चित्त, लुङ्सुर– आँधी, रेग्यात– दिनचर्या, चेगाइ– माया)
दोःबा : यकिना अगाध
तपाईको प्रतिक्रिया दिनुहोस