व्हाइखाब्रिखेन हिन्ना ङा
प्रकृतिला जेसुमदा च्यासिमाम
छिगजुगु कोरतिबा चेष्टा लाला
भावनारि ब्योङ्सि छिगजुगु ह्रुप्बा
ओम ङेबा क्राबाला रापदा व्हाइखारि
झल्काब लाबारि खाम्बा याखारगि साहासी व्हाइखाब्रिखेन हिन्ना ।
हिन्ना व्हाइखाब्रिखेन हिन्ना ङा
का टु गिक्खेन हिन्ना
तासाइ व्हाइखाब्रिखेनला स्हेर फेबा मुला
केवा सोबा दाःन कलम हिन्ना
क्राला मि तासाइ छिगजुगुसे
ङादा ङेना लाला
ङादा ब्रेबा दुइ कलमसे रेन्बा लाला ।
छिगजुगुसे ङ्योइबा लाला
थेतासिमि कलमसे ङादा
मुतेबा पल छोर्ना लाबा लाला
थेतासिमि ङा व्हाइखाब्रिखेन हिन्ना ।
चेबो ह्रो कलम हिन्ना ङाला
ओम छिगजुगुचा ङाला गुरु
ङा क्योलोलो लोप्बाकेन लाबा लोप्खेन मुबा
आसेबा नुरजुगु अग्रजजुगुग्याम लोप्बा लाला
आगोबा नुरजुगुदा रेमरेम च्याबा लाला
ङ्यासे मुगाइ व्हा स्ह्यो ङा क्रान्तिला व्हाइखा कोरतिबा लाला
थेतासिमि व्हाइखाब्रिखेन हिन्ना ङा ।
भीडरि मुगाइ व्हा एकान्तरि
छिगजुगु होङ्बा लाला मुतेबा पल सेमरि
खाइमा ङा चुला ब्रिबारि कलम थिसि
थेदुइरि गर्व लाला ङा ह्राङरिन
थेतासिमि व्हाइखाब्रिखेन हिन्ना ।
लोवर लिङ्गतेन, बिजनबारी, दार्जिलिङ ।
(छिगकि दोनः केवा– जीवन, स्हेर– पीडा, चेबो– प्रिय, लोप्खेन– विद्यार्थी, नुर– विषय)
तपाईको प्रतिक्रिया दिनुहोस