एला लागि– 
ङा याखारगि अघोरी अनपढ हिन्ना, ङा अनपढ मुला 
तिल्दाबिसाम,
एदा छोर्बा मुला–
ङाइ चेगाइ आगो 
ङाइ चेगाइ गोबा आरे 
तासाइ
ङादा छोर्ला–
ए याखारगि छोन्बो व्हाइखा हिन्ना 
दातेइ... दातेइ...
ए ङाला केवाला थे व्हाइखा हिन्ना
थेदा–
ङाइ रेमरेम डोचिला 
ङादा दोसि दोसि डोबा सेम ल्हागतिला 
थेदा–
ङाइ रेमरेम ह्राङ्ला बिचिला
ङादा रेमरेम ह्राङ्ला बिबा सेम ल्हागतिला
पोरला छ्योइह्राङ्बान
मुतेबा पाना स्हु थेन स्हेरसे प्लिङ्बा मुला 
तासाइ नोन–
ङाइ डान्चिला 
थे ह्राङ्ज्युङ, थे नरब्रा, थे सुसेली थे थे बुचुम 
ओम ङामरिन मुबा–
थेनोन जाजाबा योन्जन नाम्सा
ङाइ निरन्तर ह्राङ्ला म्हान्चिबा मुला 
सेमरि
महाभारतनोन तासाइ नोेन
राधासे कृष्णदा ह्रिबा लाबा राप डोबा मुला 
थेह्राङ्नोन लासि
ङाइ एदा ह्रिबा लाला
ङादा छार्ना लाबा ह्राङ्ज्युङ हिन्ना,
चेबो ब्रागु !
ङाला चेबो नरब्रा – कु ! ङाइ म्लेबा आरे, म्लेसेला आरे... ।

yonjandc@gmail.com

(छिगकि दोनः चेबो– प्रिय, चेगाइ– माया/प्रेम/प्रीत, केवा– जीवन, ह्राङ्ज्युङ– प्रकृति, बुचुम– थुम्की)

दोःबा : यकिना अगाध