खाङ्बा ला खाबाबिमा
ङ्हाच्छान खाङ्जि ङादा
खाङ्बाइ खाङ्जि
पिक्तोङ निना खाङ्जि
क्योतोरोक निना खाङ्जि
पाक सिम्ना खाङ्जि
स्हिम्बार्ना खाङ्जि
चुम दुइना खाङ्जि
फिङक्युर्ना खाङ्जि ।
ह्राङ्दाचा–
खाइराङ लासि खाङ्जि ओम ?
सिरक न्हाङरि वाङ्साइ खाङ्जि ङादा
सिरक फिरि झन् ल्हाना खाङ्जि
दिम न्हाङरि टिसाइ खाङ्जि ङादा
फिग्र्याप टिमा झन ल्हाना खाङ्जि
गा न्हान्छाइ खाङ्जि ङादा
क्नाव क्वान्छाइ खाङ्जि ङादा
स्होन्पो क्वान्छाइ खाङ्जि ङादा
छावाइ खाबा आरे ङादा
क्लि छिर्पाइ आरे ङा
तिङरि छ्युकु बेजि कि तिला ङाला ?
खेप्पा दोजि कि तिला ङा ?
आहिन बिसाम तिल्दा–
पिक्तोङ निना खाङ्बा ङादा ?
क्योतोरोक निना खाङ्बा ङादा ?
पाक सिम्ना  खाङ्बा ङादा ?
स्हिम्बार्ना खाङ्बा ङादा ?
फिङक्युर्ना खाङ्बा ङादा ?
चुम दुइना खाङ्बा ङादा ?

रोशी ७ थिङटोल, काभ्रे ।