ओइ ह्रेम्बोरछे ! ङा हिन्ना जामेकोला
खालाइला हिन्ना जामे
खालाइला हिन्ना म्रिङ
न्हा ङातेन ङाला ङोसेबा मुला
न्हा खाजिबाइ डेन मुला
ह्रेवा लाला खाजिबाइ वस्तु च्योच्यो ।
ओइ ह्रेम्बोरछे ! ङा हिन्ना जामेकोला
ओम ङाला शत्रु नोन जामेकोला
दोचिजि तान्बा न्हाबा मेसिनरी
ल्हानान पुइचिजि जिम्मेवारी
काप्जि गधादा ह्राङ्लासि
खालाइसे आथेनि, आगोनि ङाला मिख्लि
लोङ्बारि सोचिजि, बाङ लाचिजि चेमारिन ङेबारि ।
ओइ ह्रेम्बोरछे ! ङा हिन्ना जामेकोला
सोचिजि बेनान सेमला ताङ्बा सेसि
ग्रान चाबा मुबा स्होला ग्लेस्या बिसि
लिच्छारि नुप्ना लाजि मेफ्रा स्होसि
कोङ्ह्रावाकि आतानि खानाङ नोन
कादेन कानुन स्होसाइ नोन
ङ्योइबा मुला न्यायालयतेन
तिगा ङाइ न्याय याङ्ला ?
कि जेक्खे सामाजिक सन्जालला डेङरि ज्योला ओम ?
(छिगकि दोनः ह्रेवा– व्यवहार, तान्बा– सन्तान, चेमा– नाटक, ग्लेस्या– रानी, कोङ्ह्रावाकि– सुरक्षित, ज्योबा– सजाउनु)
दोःबा : यकिना अगाध
(सिन्धुलीला सुशिला घिसिङ घटनाला निष्पक्ष अनुसन्धान तागाइ बिसि ब्रिबा व्हाइखा ।)
तपाईको प्रतिक्रिया दिनुहोस