जेक्खे !
गुलाफला म्हेन्दोरि
चेगाइ म्राङ्बाजुगु
छोनरिन कोल्चिला
ओम थेन्से चेगाइला छोन
खाइमाइ ङोसेबारि आखाम !
डिहिग्याम फ्योट टाङ्सि
बुकीरि स्याम्बा म्हेन्दोजुगुरि
चेगाइ म्राङ्बाजुगु
ङादा सेम निजि बिसिमाम
खालाइला ङ्याम्बा बिमा
ङ्याम्बा तिङ म्हेन्दो म्हान्सिमाम
देःबान टाङ्बारि खाम्ला !
महंगा महंगा उपहारजुगुरि
चेगाइ म्राङ्बाजुगुमि झन
निर्धक्कसे चेगाइदा
खालाइला इच्छाआन्सार
मानो, पाथी, उमालरि
क्योइसि क्योइसि
मोलतोल लासिमाम
न्होररिन चेगाइ
ग्लुबा चुङ्बा लाबारि खाम्ला !
खालाइदा चेगाइ उन्बालान लागि
रंगीचंगी स्हेजुगु दाम्बाजुगु
चेगाइदा नोन दाम्सि दाम्सि
दुइ आन्सार
बजाररि ग्लुबा
सामान ह्राङ्लासि
एला चेगाइ
सेम आनिनि बिसिमाम
खाजिबाइ दुइ
देम्बारि खाम्ला !
ह्राङ्दान म्लेसि
सिबा दोना लासि लासि
एदा चेगाइ लाला बिबाजुगु
तिगा भर मुला ले !
ह्रेच्छाकरिन
एदा म्लेबारि खाम्ला !
थेतासि
चेगाइ चेगाइ बिसिमाम
चेगाइरि अन्धो आदोगो थेबा
चेगाइला दोङमि एनोन हिन्ना
थेतासि
चेगाइ चेगाइ बिसिमाम
चेगाइरि अन्धो आदोगो
माइच्याङ
चेगाइला टामि ए न्हाङरिन मुला
चोदे,
ऋृतु आन्सार ताइसि निबा
बाजुगुरि
चेगाइ म्हाइला बिसाम
ङ्यान्गो !
थेबा थेन माइच्याङजुगु
होसियार !
एन्ना चेगाइला टा नोन
खाजिबाइ दुइ खार्बारि खाम्ला !!
(छिगकि दोनः चेगाइ– प्रेम, छोन– रंग, डिहि– बगैंचा, स्याम्बा– सजिएको, देःबान– सजिलै, न्होर– पैसा)
दोःबा : यकिना अगाध
तपाईको प्रतिक्रिया दिनुहोस