सार्बा थे म्हेन्दोला फोले ताइतोबान मुला तिरेकुनु
केमाहेन्से सिबालोकरि सिनोन तोबा मुला तिरेकुनु ।
गुनोन गु छ्याम नोन ल्हामरि ब्रसाइ नोन
स्वर्ग निबा जँघार गिक्खेन वाइतोमुला तिरेकुनु ।
ल्हानान काबा हेल्सिमाम कादे ङ्हाच्छा वाङ्साइ नोन
कालला कुरि स्योन्दोलोङ तानोन तोबा मुला तिरेकुनु ।
चिसाइ नोन म्हारला खाटरि, ग्रेन महल थोरि
लिच्छारि दुर्साला बास चिनोन तोमुला तिरेकुनु ।
हाबा निबा लाचिबा ह्याङ्ला चु बु लिला चरी
ल्हुइ लिला पिंजडाग्याम ल्हेनोन तोमुला तिरेकुनु ।
ताङ्बा ठाम्सि ङेना लाजि ले मुतेबा दुनियाँदा
ङेङगोरला मिरि मिख्लि युतोबा मुला तिरेकुनु ।
बोमो, हाम्पा, म्लिक्का, इष्या सेमरि तिल्दा थान्से
केवा नोन चु बेनान ब्रेतोबा मुला तिरेकुनु ।
दोःबा : यकिना अगाध
तपाईको प्रतिक्रिया दिनुहोस