ह्याङ झोले आहिन
ह्याङ चम्चे आहिन
ह्याङ भ्रष्टाचारी आहिन
हिन्ना, 
कामरेड खालाइला ग्याप्पा दोसि आचि
कामरेड खालाइला चाकडी आला 
कामरेड खालाइला गुलामी दोसि आसो
कामरेड खालाइला दासत्व स्वीकार आला
कामरेड खालाइला दलाल आला
थे,
स्वाभिमानला छ्याम सोला
ओम अन्यायला लागि लडप तासि ब्राला
अत्याचारला लागि लड्तिला
वर्ग आरेबा समाजला परिकल्पना लाला
च्योच्योला व्हाइ कोसिकेन
नाम्सा नाम्सा, बस्तीबस्ती, गल्लीगल्ली ओम सडक सडकरि 
किसानला काइ थोसि ब्राला
गेनामला काइ थोसि ब्राला 
ब्राङ न्हाङरि पिल्साब ताबा प्राङ्बो थोसि ब्राला
आरनरि चिबाला काइ थोसि ब्राला
सडकरि चिसि स्होन्बो डुप्बाला काइ थोसि ब्राला
कामरेड निस्वार्थ ताला 
कामरेड अनुशासित ताला
कामरेड इमानदार ताला
कामरेड कर्तव्यनिष्ट ताला
कामरेड लुबारि आसे
कामरेड ठगप लाबारि आसे
कामरेड ब्यान्बारि आसे
थेतासि,
ह्याङ झोले आहिन
ह्याङ कामरेड हिन्ना । 
२०८२/०२/२४

दोःबा : यकिना अगाध