कायरकादे लासि छेप्ला
वीरकादे कु ताला
अमेरिकी साम्राज्यवाद
कायर हिन्ना
इरानफिरि छेप्बा अपराध हिन्ना
इजरायलदा 
हतियार स्होसि
गुङस्याररि अत्याचार लाबा मानवता लिब्रो गे हिन्ना
गाँजाफिरि बर्बरता लासि
फोइदान सेबा थे तस्वीर खाइ ?
सीएनएन, बीबीसीसे खालाइ तिगाइ बिबा ? 
थे एला क्यामेराला लेन्स खाइ ओम
एला बु खाइ खाराङ्लासि सोचिबा मुला ? 
प्यालेस्टाइनीकादेसे ङ्योइबा खाइ ?

खाइ संयुक्त राष्ट्रसंघ ? खाइ म्हियाङ्तामवादीकादे
म्हि सिबा नाकि सिबा तेबान आरे
इजरायलसे कम स्होबारि याङ्बा
अमेरिकासे बम स्होबारि याङ्बा
चीनसे बम स्होबारि याङ्बा
रुससे बम स्होबारि याङ्बा
उत्तर कोरियासे बम स्होबारि याङ्बा 
इरानसे तिल्दा बम स्होबारि आयाङ्बा ? 
आत्मरक्षाला लागि !

सिरिया असद आहिन
इराकला सद्दाम हुसेन आहिन
अफगानिस्तानला बिन लादेन आहिन
इरानला याखारगि ह्युलज्याल्बा नेता हिन्ना, खामेनी
थे,
आकुर, आला, आह्यार आत्मसर्पण आला
ए ! साम्राज्यवाद
एला दुर्सा थेनोन खाडीरि तासेला मुला
एला थे बस्तर बमसे इरानीकादेदा 
झन बाङ पिन्जि
हुँकार पिन्जि ।

(छिगला अर्थः गुङस्यार– मध्यपूर्व, दिनिरे– आइतबार)

(२०८२/३/८ दिनिरे अमेरिकासे इरानफिरि छेप्बा रेला दुइसाङरि ब्रिबा व्हाइखा । दोःबा : यकिना अगाध)