याम्बु १६ याम्बु । ग्याल्साङ फोटो स्योमि छोक्बा, नेपाल सिन्धुपाल्चोक शाखाला गिक्छा जोङ छोःबा चौतारारि स्योल्जि । छोःबाग्याम विजय नेपाल चोहो, मानकाजी पाख्रिन तामाङ स्यानचोहो, सागर खड्का गाउराइ, प्रेम लामा न्होरचोहो थेन सुजन श्रेष्ठ ह्रोमि पदरि निर्वाचित ताबा मुला ।

छोक्बाला केन्द्रीय वरिष्ठ स्यानचोहो लेखबहादुर श्रेष्ठ सागरला डोनग्रेन्पो थेन नेपाल स्योमि गेन्दुनछेन, सिन्धुपाल्चोकला चोहो ध्रुव दंगालला डोन्बोछेनरि गेताङ स्योल्बा मुबा ।

गेताङरि छोक्बाला बागमती प्रदेश चोहो राजेन्द्र गजुरेलतेन स्यान्दोकादेसे बोकिन्बा मुबा ।

ह्युलनाङ क्रियाशील छोक्बाला ४१ छा शाखाला लिरि स्हेङ्बा सिन्धुपाल्चोक शाखादा छार समितिसे जोङरि फोटो स्योनामदा अनुशासित, मर्यादित थेन हकहित ख्युरछ्यारि केन्द्रित लासे ग्रान लाबा मुला ।

(छिगदोनः ग्याल्साङ– राष्ट्रिय, स्योमि– पत्रकार, जोङ– जिल्ला, छोबा– भेला, स्योल्जि– सम्पन्न, स्यानचोहो– उपाध्यक्ष, गेन्दुनछेन– महासंघ, डोनग्रेन्पो– प्रमुखअतिथि, डोन्बोछेन विशेष अतिथि, छोक्बा– समुह, स्योनाम– पत्रकारिता)