याम्बु । याम्बु महानगरपालिका वडा नं. १६ बालाजुहाइटला शितला माविसे जापानला लोप्खाङ त्इल्म्ब्द्यब्थ्ब्क्ज्क्ष् व्ग्ल्क्ष्इच् ७ क्भ्ल्क्ष्इच् ज्क्ष्न्ज् क्ऋज्इइी, प्बलष्नबधब–इकबपब व्बउबलतेन भगिनी सम्बन्ध थुइबा मुला । सम्बन्ध थुइबाला दुइसाङरि भव्य गेताङला आयोजना लाबा मुला ।

गेताङरि लोप्डा ९ ला छात्रा करिना रेग्मीसे जापानी ग्योइरि गेताङरि दोगाबा डोन्बोजुगुदा डेन लाबा मुबा ।

लोप्खाङ्ला प्राध्यापक लक्ष्मण श्रेष्ठ थेन लोप्खाङला ङ्हाच्छाला प्रधानाध्यपक ओसेम लोप्खाङला डिछ्याबा दाछोकला ङ्हाच्छाला शुक्रलाल श्रेष्ठसे नोन जापानी ग्योइरिन सेमताम थान्बा मुबा ।

जापानला थे लोप्खाङ थेन शितला मावि गुङ्ला भगिनी सम्बन्ध कायम लाबा गेला समन्वय लोप्खाङ डिछ्याबा दाछोकला ङ्हाच्छाला ह्रोमि ग्युइसेरचेमो ओसेम समाजसेवी प्रतिभा रिजालसे लाबा हिन्ना ।

थेसे ग्योइदा दोबा गेलासि गेताङ्दा सहजीकरण लाबा मुबा ।

गेताङरि लोप्खाङसे धिमे ह्रोज्ल्या, नेपाली ग्योइ, रिमठिम, संस्कार थेन परम्परा ओसेम नेपालला गौरवगाथा उन्पाङ व्हाइरि स्याबा सुताइ उन्बा मुबा । जापानी लोप्पोनजुगुसे सुताइ सांस्कृतिक गेताङरि स्याबा थेन सेमताम थान्बा मुबा ।

चु सम्झौतारि गोरङ्ही लोप्खाङ गुङ ग्युइसेरबोन लोप्पोन किन्बापिन्बा, ग्रा यान्पाङ विज्ञान प्रविधिला किन्बापिन्बा, शिक्षण विधि थेन प्रविधिला किन्बापिन्बाला छ्याम शितला माविदा गुणस्तरीय ओसेम स्यानह्युल तादाला ग्युइसेर पिन्बारि ल्होलो गेताङला छ्याम ग्युइसेरबोनला क्षमता फेल्गेबा, ग्युइसेरबोन कुबा लाबा लापिन्बा नुरजुगु मुला ।

चुसे ङ्हीनोन लोप्खाङजुगुगुङ छ्यागे, सहअस्तित्व थेन ह्रोला गेताङजुगु संचालन तासेला मुला । ङ्हीनोन लोप्खाङ गुङला भगिनी सम्बन्ध स्हेङ्बा गेताङ गिक्छा लासोमला परीक्षा जिन्बा लिच्छा २ ङ्ह्यामाहेन्से लोप्खाङरि संचालन लाबा मुबा ।

गेताङरि लोप्पोन, अभिभावक, लोप्खाङ डिछ्याबा दाछोक, ग्युइसेरबोन अभिभावक गेदुङतेन स्थानीयजुगुसे बोकिन्बा मुबा ।

गेताङ लोप्खाङला प्रधानाध्यापक लक्ष्मण श्रेष्ठला चोहोदान थेन ग्युइसेरबोन विमला भट्टला संचालनरि ताबा मुबा ।

(छिगदोनः डिछ्याबा– व्यवस्थापन, सेमताम– मन्तव्य, दाछोक– समिति, ग्युइसेरचेमो– शिक्षाप्रेमी, ह्रोल्ज्या– बाजा, उन्पाङ– जनाउने, लोप्पोन– विद्यार्थी, ग्युइसेरबोन– शिक्षक, ग्रा– सूचना, यान्पाङ– संचार, स्यानह्युल– अन्तर्राष्ट्रिय, फेल्गेबा– विकास, कुबा– तालिम, नुर– विषय, छ्यागे– सहकार्य)