याम्बु । नेपाल प्रवासी तामाङ समाज कतारसे ह्राङ्ला २१ छा दिङ्साङ काप्तोन १७ अक्टोबर २०२५रि दाङ्सेला ग्रादाङ पिन्बा मुला । गेताङ कतारला वेलफेयर रेस्टुरेन्ट, प्लाजा मल, सनैयारि सुङरे स्ह्योला ११ ङ्ह्यामाहेन्से तासेला गेन्दुनला ग्रेनगाउराइ श्री पाख्रिनसे ग्रादाङ पिन्बा मुला ।

सांस्कृतिक प्रस्तुतीला छ्याम तासेला चु गेताङरि गेन्दुनला उपलब्धि थेन योगदानदा डान्बान खाबा योजनाजुगुफिरि काठुइ तासेला मुला ।

‘तामाङ जातिला पोबा, ग्युइसेरकि ओसेम न्होरिक कोङ्बा’ बिबा नारा थोसि २० दिङ ङ्हाच्छा स्हेङ्बा चु गेन्दुनसे कताररि मुबा तामाङ गुङरि एकता, ह्रो, सामाजिक भावना ल्हेना लाबा थेन माउलिक रिमठिमला ख्युरछ्या लासिकेन खाबा मुला ।

गेताङदा सफल ताना लाबारि कताररि मुबा मोक्कोन ज्योज्योआले नानाआङादा गेदाङरि बोकिन्बाला लागि नेपाल प्रवासी तामाङ समाज कतारसे ङ्योइसाङ लाबा मुला ।

(छिगकि दोनः काप्तोन– उत्सव, ग्रादाङ– जानकारी, गेन्दुन– संस्था, ग्युइसेरकि– शैक्षिक, न्होरकि– आर्थिक, ख्युरछ्या– संरक्षण)