याम्बु । बौद्ध तामाङ कल्याण गुठिला चोहोरि राजेन्द्रकुमार लामासे डाबा मु्ला । सोङराति २४ कुनु थुम्बा ङिसछा जोम्नासे छार गेदाछोक क्योङ्डिक्सि दाम्बारि आखाम्बालिच्छा चुनाव ताबा हिन्ना ।

चुनाव तामा लामासे २१९ मत याङ्सि डाबा हिन्ना । थेला प्रतिद्वन्दि जयमंगल लामासे ६१ मतजे याङ्बा मुबा । स्यान्दो पदकादेरि बिसाम क्योङ्डिक्सि दाम्बा मुला ।

गुठिला बरिस्ठ स्यानचोहोरि मनोजकुमार लामा, स्यानचोहोरि सोनम लामा, नुर्बु लामा थेन सिर्जन लामादा दाम्बा मुला ।

गेदाछोकला गाउराइरि धर्म लामा, स्यानगाउराइरि गंगा लामा थेन न्होरचोहोरि बलविर लामा निर्वचित ताबा मुला । गुठिला ङिसछा जोम्ना थेन बोगालछा दिङ्साङरेला दुइसाङला ठोङ्सेङ गेताङरि ल्होलो डोन्बोकादेसे ज्याबाम्हान्बा सेमताम थान्बा मुबा ।

गेताङरि शिक्षण थुमरि उत्कृष्ट ताबाकादेदा न्होरला छ्याम डेनस्योसे डेन लाबा मुबा ।