याम्बु ४ तापाग्रेन । ज्योति विकास बैंकसे ह्राङ्ला ग्राहकदाजुगुदा साप्तोन काप्सि पिन्बा दोन्तासे बैंकला मोबाइल बैंकिङ एप, ज्योति स्मार्टग्याम हवाइ टिकट ग्लुमा ग्यार्जा ङ्हा क्यासब्याक याङ्बा आकर्षक योजना सार्वजनिक लाबा मुला । 

चु सार्वधिक क्यासब्याक योजनाग्याम बैंकला ग्राहकजुगुसे ज्योति स्मार्ट एपग्याम सस्तो साइरि हवाई टिकट ग्लुबारि याङ्सेला मुला । चु योजना न्हाङरि ह्युलनाङ्ला खात्दामान घरेलु एयरलाइन्सला हवाइ टिकट ग्लुमा ग्यार्जा ङ्हाला सर्वाधिक क्यासब्याक याङ्सेला मुला । 

ज्योति स्मार्ट एपग्याम हवाइ टिकट ग्लुमा अफर बक्सरि"FLY500"प्रोमो कोड प्रयोग लासि थे क्यासब्याक याङ्सेला मुला । तासाइनोन ३०० म्हे जेक्खे चु अफरग्याम लाभान्वित ताबारि खाम्सेला मुला । 

सिमित दुइला लागि लागू तासेला चु विशेष अभियान चुनोन तापाग्रेन ३ गतेहेन्से प्रभावकारी स्ह्रुगरि चुबा मुला । अभियान दुइनाङ ग्राहकजुगुसे ज्योति स्मार्ट एप प्रयोग लासि गिक्छा हवाइ टिकट ग्लुमा क्यासब्याकला साप्तोन याङ्सेला मुला । बैंकसे डिजिटल कारोबारदा प्रोत्साहन लाबाला छ्याम ग्राहकजुगुला साप्तोनदा प्राथमिकतारि थान्बान चुह्राङ्बा आकर्षक योजना संचालन लासिकेन खाबा मुला । 

बैंकसे ग्राहकजुगुदा साप्तोन मुबा थेन कोङ्ह्रावा डिजिटल साप्तो पहुँच पिन्बाला लागि डिजिटल बैंकिङ प्लेटफर्मजुगुदा डिछ्याना काप्बा थेन उन्नत स्होसिकेन खाबा मुला । 

(छिगकि दोनः साप्तोन– सुविधा, दोन्ता– उद्देश्य, तापाग्रेन– मंसिर)