सिन्धुपाल्चोक २५ तापाग्रेन । मेलम्ची–लैङ्गिक हिंसा लिब्रोला १६ रेला अभियान न्हाङ्ला तिनि लिच्छाला रे नगरस्तरीय जामेकोला सञ्जाल स्हेङ्बा मुला । सञ्चमाया तामाङला चोहोदानरि १७ ह्रोमि दाछोक स्हेङ्बा हिन्ना ।

चु सन्जालसे लैङ्गिक हिंसा रोकथाम लाबा, पीडितदा ह्रोलाबा थेन सशक्तिकरणला उपायजुगुफिरि ग्रादाङ पिन्बा गेलासेला ग्रादाङ नगर स्यानग्रेन्पो उमा प्रधानसे पिन्जि । थेसे सञ्जालसे नगरनाङ लैङ्गिक हिंसा न्यूनीकरणला लागि समन्वय लातोबा नोन पाङ्जि । ‘मेलम्ची नगरपालिकासे खाबा रेरि सञ्जालदा तोबा ह्रो थेन छ्यागे लासेला प्रतिबद्धता लाला’ प्रधानसे पाङ्जि ।

दाछोकला चोहोरि सञ्चमाया तामाङ, गाउराइरि चण्डिका नेपाली, न्होरचोहोरि गोमा ढकाल मुला । ह्रोमिजुगुरि अपेक्षा ढकाल, सुनिता तामाङ, सरिता चौलागाई, कल्पाना रोक्का, सम्झना गिरी, सरिता चालिसे, तोकमाया तामाङ, लक्ष्मी अर्याल, गंगा चुवान, रेनुका पुरी, कल्पना पहरी मुला ।

गेताङरि मेलम्ची नगरपालिका स्यानग्रेन्पो उमा प्रधान, ग्रेन्पो प्रशासकीय अधिकृत निमेष मिश्र, कार्यपालिका ह्रोमि, वडा जामेकोला ह्रोमि, वडा जामेकोला सञ्जाल थेन वडासे दाम्सि पुइगाबा जामेकोलाजुगुतेन स्यान्दोजुगुसे बोकिन्बा मुबा ।

जामेकोला, बिजाबुमो थेन समावेशीकरण शाखाला ग्रेन्पो राजेन्द्र दुलालसे सञ्चालन लाबा गेताङ नगर स्यानग्रेन्पो उमा प्रधानला चोहोदानरि ताबा हिन्ना । 

(छिगकि दोनः स्यानग्रेन्पो– उपप्रमुख, तापाग्रेन– मंसिर, ह्रोमि– सदस्य, दाछोक– समिति, छ्यागे– सहकार्य)