याम्बु २४ तापाग्रेन । नेपाल ललितकला प्रज्ञा–प्रतिष्ठानसे ‘ज्योस्हेङ स्योनामला दुइसाङ थेन चुनौती’ नुरकि गेताङ स्हेङ्बा मुला । प्रतिष्ठानसे ह्राङ्लान गेदिम नक्साल, याम्बुरि तापाग्रेन २४ गते गेताङ स्हेङ्बा हिन्ना ।

नेपाल ललितकला प्रज्ञा–प्रतिष्ठानला कुलपति नारदमणि हार्तम्छालीला गे्रनडोन्बोरि ताबा गेताङरि ब्रिखेन÷स्योमि नारायण ढुङ्गानासे ‘ज्योस्हिङ स्योनामला दुइसाङ थेन  चुनौती’ क्राछिकरि गेस्यो प्रस्तुत लाबा मुबा । गेस्यो थोरि स्योमि सुशिला तामाङसे टिप्पणी लाबा मुबा ।

नुरथोरि जगत वाशिष्ठ, दिवेशमान सिंह प्रधान, ओमप्रकाश घिमिरे, डिल्ली आचार्य, मधु शाही, चाँदनी हमालसे ह्राङ्ला  धारणा थान्बा मुबा ।

गेताङरि प्रतिष्ठानला कुलपति नारदमणि हार्तम्छालीसे ज्योस्हिङला गतिविधिदा स्थानीय तवरग्याम्सेन सक्षम थेन सशक्त लाबारि ज्योस्हिङ स्योनामला भूमिका अहं तासेला बिबान प्रतिष्ठानसे ज्योस्हेङ म्हाइबा, अनुसन्धान लाबा, डेन थेन पुरस्कार पिन्सि ह्राङ्ला  क्षमता आन्सारला गे लासिचिबा ताम थान्बा मुबा ।

गेताङरि प्रतिष्ठानला ह्रोम्हि गाउराइ देवेन्द्रकुमार काफ्ले ‘थुम्केली’से  ललितकला रिमठिम सभ्यतातेन थुइबा नुर ताबासे चुला आयामदा जनस्तरदोना दोना लासि जाम्बुलिङरिन फेल्ना लातोबा पाङ्जि ।

गेताङरि प्रतिष्ठानला पदाधिकारी, कलाकार, स्योमि, लोप्खेन ओसेम ल्होलोल्होलो गेन्दुनला प्रतिनिधिकादेसे बोकिन्बा मुबा ।

(छिगकि दोनः ज्योस्हिङ– कला, स्योनाम– पत्रकारिता, दुइसाङ– अवसर, नरकि– विषयक, गेस्यो– कार्यपत्र, स्योमि– पत्रकार, नुर– विषय, फेल्ना– फैलाउनु)