जापान, ५ मे । एकता, काठुइ थेन सद्भावः तामाङ समाज किताकान्तोला (BBQ) गेताङ ताबा मुला ।
तामाङ समाज किताकान्तोसे सामाजिक सद्भाव थेन खाबा रेला गेताङकादेला योजना स्होबाला लागि ङ्योइसाङ लाबा (BBQ) गेताङ भव्य लिरि थुम्बा मुला ।
समाजला ह्रोम्हिजुगु गुङरि ह्रापह्रुप, समसामयिक नुररि काठुइ थेन खाबा रेला गतिविधिजुगुला योजना स्होबा उद्देश्यसे ङ्योइसाङ लाबा गेताङरि किताकान्तो थुमरि क्रियाशील ल्होला छेन–गेन्दुनला प्रतिनिधिकादेसे ज्याबा बोकिन्बा मुबा ।
गेताङ्ला ग्रेनडोन्बो तामाङ समाज किताकान्तोला स्हेङ्खेन चोहो दातेला संरक्षक कुलमान घिसिङ मुबा ।
समाजला चोहो कर्मा दोङ तामाङसे गेताङरि बोकिन्सि चेगाइ थेन ह्रोलाबा बिसि मुतेबा डोन्बोकादेदा थुजेछे फुल्बा मुबा । थेसे खाबा रेजुगुरि नोन समाजला स्यान्दो गेताङकादेरि नोन चुह्राङ्बान सद्भाव याङ्सेला विश्वास थान्जि ।
(छिगला अर्थः काठुइ– छलफल, नुर– विषय, छेन–संघ, गेन्दुन– संस्था, चेगाइ– माया)
तपाईको प्रतिक्रिया दिनुहोस