हेराङ । बागमती गाउँपालिका न्हाङ्ला ल्होलो लोप्खाङकादेला २०८२ दिङ्ला माध्यमिक शिक्षा परीक्षा (एसइइ)ला नतिजा सार्वजनिक ताबा मुला । गाउँपालिकाला ९ वटा लोप्खाङकादे ग्याम बोकिन्बा क्योङ १९२ लोप्पोनकादे गुङ्ला १३६ म्हे जेक्खे ग्रेन याङ्बारि सफल ताबा मुला ।

कालिदेवी माध्यमिक लोप्खाङ, प्युटारसे क्योङ बिमा ज्याबा नतिजा बाबा मुला । थे लोप्खाङला २७ म्हे लोप्पोन गुङ्ला २५ म्हेसे ग्रेड बासि ९३ प्रतिशत सफलता याङ्बा मुला ।

नारायणी माविसे ८१ प्रतिशत, शारदा शिक्षा सदनसे ६३ प्रतिशत, विद्याश्वरी माविसे ८५ प्रतिशत थेन जनक माविसे ८६ प्रतिशत नतिजा बाबा मुला ।

कालीदेवी मावि, माल्टासे ७२ प्रतिशत, घुसेल माविसे ५२ प्रतिशत, जनजागृती माविसे ५० प्रतिशत नतिजा बाबा मुला ।

क्योङबिमा कमजोर महाकालीदेवी माविला मुला । चु लोप्खाङला १९ म्हे लोप्पोन गुङरि गोर ब्लि जेक्खेसे ग्रेड बाबारि खाम्बा मुला । चु बिबा २१ प्रतिशत जेक्खे हिन्ना ।

गाउँपालिका स्तररि च्यामा ७१ प्रतिशत लोप्पोनसे जेक्खे ग्रेड बाबारि खाम्बा म्राङ्बा मुला ।

(छिगला अर्थः लोप्खाङ– विद्यालय, लोप्पोन– विद्यार्थी, म्हे– जना)