याम्बु । नेपाल ललितकला प्रज्ञा–प्रतिष्ठान थेन रिमठिम ओसेम पर्यटन ब्लोनखाङ, बागमती प्रदेशसे स्हेङ्बा ‘बागमती प्रादेशिक ललितकला प्रदर्शनी/जोम्नाछेन २०८२’ बेने ८ सुङरेहेन्से तिबा मुला । याम्बुला नक्सालरि तिबा प्रदर्शनीदा ग्रेनडोन्बो बागमती प्रदेशला माननीय रिमठिम ओसेम पर्यटनब्लोन सुरेश श्रेष्ठसे ठोङ्स्हेङ लाबा मुबा ।
थेसे ज्योस्हेङा, रिमठिम खाइमाइ आसि पाङ्बान नेपालला ङोसेबा पिन्बा थेन न्होरतन्त्ररि खाइबासे लाबा योगदानला प्रशंसा लाबा मुबा ।
गेताङरि प्रतिष्ठानला कुलपति नारदमणि हार्तम्छालीसे समाजला सफ्टपावर बिबा खाइबा ताबासे चुला तिबा ललितकलासे लाबा थेन ज्यास्हेङला नुररि दान्दे याम्बु फिक्र्याप नोन चर्चा–परिचर्चा ल्हेबा पाङ्जि ।
गेताङरि प्रतिष्ठानला उपकुलपति ओसेम बागमती प्रदेश समन्वय दाछोक गोछापा लालकाजी लामा, ह्रोमिगाउराइ देवेन्द्रकुमार काफ्ले ‘थुम्केली’ रिमठिम ओसेम पर्यटन ब्लोनखाङ, बागमती प्रदेशला गाउराइ दिपेन्द्र सुवेदीला छ्याम स्यान्दोकादेसे सेमताम थान्बा मुबा ।
गेताङरि सिद्धिरत्न शाक्य (परम्परागत मूर्तिकला), रामसुन्दर ख्याजु (परम्परागत चित्रकला पौभा), सरिता चित्रकार (लोककला), विश्वम्भर लामिछाने (मूर्तिकला), सिन्धुली कला घर (सिन्धुली), वल्र्ड आर्ट लिङ्क (रत्ननगर, चितवन), इ आर्टस् नेपाल (ललितपुर) दा डेन लाबा मुबा । ल्होलो ल्होलो विधाला ज्योस्हेङ प्रदर्शनी चुनोन बेने १२ गतेदोना तासेला मुला ।
(छिगकि दोनः जोम्नाछेन– सम्मेलन, बेने– फागुन, ब्लोनखाङ– मन्त्रालय, ब्लोन– मन्त्री, ज्योस्हेङ– कला, न्होर– अर्थ, दाछोक– समिति, गोछापा– संयोजक, ह्रोमिगाउराइ– सदस्यसचिव)
तपाईको प्रतिक्रिया दिनुहोस