मेलम्चीरि ‘याखारगि जोङ याखारगि ल्हुइचाङ शहर’ गेताङ चुजि
मेलम्ची २० नाम्दुङ । मेलम्ची नगरपालिकारि मा ‘याखारगि जोङ याखारगि ल्हुइचाङ शहर’ गेताङ चुबा मुला ।
सुङरे बागमती प्रदेश सरकारला ल्हुइथाङ ब्लोन किरण थापाला ग्रेनडोन्बो ओसेम नगर ग्रेन्पो आइतमान तामाङला चोहोदानरि स्योल्बा नगरपालिका स्तरीय दाछोक चिसाङ ओसेम अभिमुखीकरण गेताङ व्हना चु गेताङ तिबा हिन्ना ।
जोङ जनस्वास्थ्य गेदिमला आयोजना थेन मेलम्ची नगरपालिकाला समन्वयरि गेताङ स्योल्बा हिन्ना । गेताङरि स्यानग्रेन्पो उमा प्रधानसे डेन सेमताम थान्बा मुबा ।
गेताङरि धुलिखेल नगरपालिकाला ग्यात्थो ग्रेन्पो निराजन जंगमतेन स्यान्दोकादेसे ‘ल्हुइचाङ शहर’ अवधारणाफिरि धारणा थान्बा मुबा ।
गेताङसे स्थानीय तहरि ल्हुइथाङ ल्हेछ्या थेन साप्तो सुदृढीकरणरि टेवा तासेला अपेक्षा लाबा मुला ।
(छिगकि दोनः ल्हुइचाङ– स्वस्थ, ल्हुइथाङ– स्वास्थ्य, ग्रेन्पो– प्रमुख, स्योल्बा– सम्पन्न, दाछोक– समिति, चिसाङ– बैठक, व्हना– मार्फत्, स्यानग्रेन्पो– उपप्रमुख, ग्यात्थो– कार्यबाहक, ल्हेछ्या– प्रबर्धन, साप्तो– सेवा)
तपाईको प्रतिक्रिया दिनुहोस