याखारगि चुह्राङ्बा छिग पाङ्गो
थेला देन्बान खाजिबाइ दोन तागाइ ।
याखारगि चुह्राङ्बा गान्दि उन्गो
थेरि ह्याङ्ला मिला क्युइ ब्योङ्बा आतागाइ ।
उपहाररि चुह्राङ्बा म्हेन्दो पिन्गो
थेला ज्याबाथाङ बजाररि आचुङ्बा तागाइ ।
ह्राङ्ला चेगाइ थेन घृणाला तिलोरि तर्क पिन्बारि बन्द लाउ
तिदाबिसाम ङाइ दोसि भरोसाफिरि भरोसा लाबारि खाम्गाइ ।
दोन, खुकु, थाङ, स्योम्बा–
मोक्कोन ह्राङ्ला सवारीग्याम ह्यार्चिबा मुला
ओम चुनोन चु दुइला
मोक्कोन बिमा विकराल ह्याम हिन्ना ।
चोदे आहिन बिसाम
ङादा चुह्राङ्बा म्हितेन ह्रुप लापिन्गो
थेदा ‘म्हि’ बिसिमाम ङ्योइमा
थेसे फ्लिकदोसि निसाल नोन पिन्गाइ ।
(छिगकि दोनः दोनः – अर्थ, तिलो– पक्ष, दोन– अर्थ, खुकु– रस, स्योम्बा– स्पर्श, ह्याम– महामारी)
दोःबा : यकिना अगाध
तपाईको प्रतिक्रिया दिनुहोस