पाङ्गो ! पाङ्गो !!
एसे पाङ्नोन तोला
ए मौन चिजि बिसाम
एला तिलोरि खाल्छे पाङ्ला ले ?

एतेन आताबारि खाम्ला–

सरकारला ह्राङ
कोङ्ह्रावाला मिनरि स्होबा
कोङ्ह्रावा दस्ता
बम, बारुद थेन टुबाकसे सुसज्जित–
सेना, प्रहरी, सांसद्
न्यायाधिस थेन अदालतजुगु ।

एसे पाङ्जि बिसाम
थे मोक्कोन
कागजी ताह्राङ गुर्सेला मुला
एला काइ
चु जाम्बुलिङ्लान
मोक्कोन बिमा शक्तिशाली लुङ्सुर हिन्ना ।

(छिगकि दोनः तिलो– पक्ष, कोङ्ह्रावा– सुरक्षा, लुङ्सुर– आँधी)