याखारगि म्हिसे गेङ स्होला
स्यान्दो म्हिसे गेङ चाला

स्यान्दो सोमछा म्हि नोन मुला–

न्हा ओम थेसे गेङ स्होला
न्हा ओम गेङ नोन चाला
थे जेक्खे गेङ्तेन क्लाङ्ला

ङाला ङ्योइबा मुला–
‘चु सोमछा म्हि खाला हिन्ना ?’
ङाला ह्युलला संसद कुटिसि चिला ।

(व्हाइखाब्रिखेन धूमिलला वास्तविक मिन सुदामा पाण्डे हिन्ना । थे हिन्दी ग्योइकाइरि ‘संसद से सड़क तक’ ह्राङ्बा क्रान्तिकारी थेन विद्रोही व्हाइखाला लागि ङोसेबा मुला । थेदा हिन्दी व्हाइखारि ‘समकालीन जनवादी व्हाइखा’ला ग्रेन्पो हस्ताक्षर तेन्मुला । थेला व्हाइखारि डिछ्या, भ्रष्टाचार थेन सामाजिक च्योच्यो आरेबा लिब्रो बाङ्से छेप्बा स्याप्ला । थेसे सामान्य ह्युल्बाला ग्योइ थेन छिगजुगु प्रयोग लासि व्हाइखा ब्रिमुबा । थेला ग्रेन्पो कृतिजुगु ‘संसद से सड़क तक, कल सुनना मुझे, सुदामा पाण्डे का प्रजातंत्र’ हिन्ना ।)

नेपाली दोःबा : जय कार्की, तामाङ दोःबा : यकिना अगाध