ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
का वाला ताला होइ लेप्बा कोल्मे जातला
बोमोसे आहिन होससे लाउ आप्ता तामला
ह्याङ्से लासाम ज्याबा गे दोखाङरि दोला
ख्योल्बा लासाम ह्याङ ह्राङ्नोन कुर्ला ।१।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
ज्याबा ग्यालाम ब्रासिमाम मोक्कोन सद्बुद्धि ड्वाबा
डिक्सिमाम मोक्कोन वाङ्सि ङ्हाच्छा चेतना युबा ।
तासिमाम गिक्खे आस्थासे ह्याङ संघर्ष लासेला मुला
ङ्हाप्बाला थे टाङ्सि सिक्री समाज पोसेला मुला ।२।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
स्हिवाङला ह्युल पोसि गोइलो थे बैरि वाङ्बान मुला
आठ्वाङ्साम मि आछोर्साम बेनान चु ह्युल म्हाबाकेन मुला
ख्योसि मोक्कोन नेपाली म्हे जन लेण्डुप केना लाजि
पुइसि छारिब्योन पुस्ता थे फिह्युल चु ह्युल न्होङ्ना लाजि ।३।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
ह्युलला भलो आता च्यागो सानाम्पा सेसिमाम
ह्राङ्बाङ दोबारि आखाम ह्याङ चु ह्युल ब्रेसिमाम
चुङ्सि छारिब्योन आस्हो ह्युल खाइ ओम गोबा ?
शासक ए फिह्युल्पा ग्याप्पा तिल्दा हिन्ना दोबा ।४।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
ह्युल्बा ख्योबा बासिमाम नीति एकता ताबा
लोप्केन ता कोर्बान थेन ब्राबान न्हुपरि निबा ।
खेःबा ता ब्लाप्सि मुसिम छार बाबा
विश्वासघाती नेताला गोठे बयल न्हाबा ।५।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
चेतला मुल खाइमा थिला म्हिला जातरि
वर्गला ताम वर्गसे गोला ह्याङ्ला चु जाम्बुलिङरि
फेल्गेबाला नारा ल्हागाब लासि मुतेबा ह्युल्बा लुटतिबा
छेला दोइ काप्माहेन्से टोक्मान क्युइबा ।६।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
पुर्वजसे बिमुबा डिक्सि चिउ गोउ होइ ल्हादाम
दोतोबा मुला सातान डाबा योद्धा ह्युलला सहारा ।
ज्युङ्बा नोन चिला सातान वीरला शानसे
अन्याय ङोन्छाङ आकुर्ना लड्तिगे बाङ थेन ग्युइसे ।७।
ह्याङ नेपाली, ह्याङ नेपाली
अन्याय ङोन्छाङ आकुर्ना लड्प ताइ
ह्याङ नेपाली ।
काभ्रे ।
(छिगकि दोनः कोल्मे– मानव, आप्ता– निर्णय, ख्योल्बा– गलत, ङ्हाप्बा– शोषण, स्हिवाङला– शान्ति, ख्योसि– छलर, म्हे– जन, छारिब्योन– युवा, सानाम्पा– किसान, फिह्युल्पा– विदेशी, ग्याप्पा– दास, लोप्केन– सिकारु, खेःबा– पुरानो, फेल्गेबा– विकास, ल्हादाम– इसारा, ज्युङ्बा– अस्तित्व)
दोःबा : यकिना अगाध
तपाईको प्रतिक्रिया दिनुहोस