आडान्तोबा
थे आज्याबा तामसोर मुबा
ओम म्लेतोमुबा ङाइ
थे सातानला लागि
थे युगतेन छ्याम ।
आखे म्हेमेला छ्याम
दुर्सारि ल्हुबा
थे आज्याबा दुइला
थे दोप राप
सरकार !
ह्राङ्से ट्वाइसि ट्वाइसि दोसि छोन्बो स्होस्ह्युजि ।
बिमुला,
रावणसे ग्रान फामुबा रो–
ङाइ लंकाला ह्युल्बादा
देवाचेनरि दोबा चाम जुला ।
ङाइ लंकाला ह्युल्बादा
अजर अमर स्होबा संजीवनी बाला ।
ओम, चुलिच्छा जेक्खे–
ह्राङ्ला विलासीला लागि
सीताला हरण लाला ।
चु दुइरि ङाइ
थेनोन रावणदा डान्चिबा मुला– सरकार !
खाइमा थे
सर्वशक्तिमान दोजि
थेसे ह्राङ्ला ग्रान म्लेजि
ओम लाजि थे लिच्छाला ख्योल्बा
थे लाला आदेबा मुबा ।
सरकार !
ह्राङ्से सुङ्स्ह्युला–
तिगा ताचि ओम ... ?
चुलिच्छाला अध्याय
ह्राङ्सेन डोस्ह्युगो
रामायणरि ।
तपाईको प्रतिक्रिया दिनुहोस