तिल्मा दान्नाइ दान्नाइ
गोर ङ्ही ग्रेन घरानाला
तिहाइ ङ्हीला राइँदाइँ मुबा
ज्योज्यो आलेला आउदिन
एकता थेन डिक्बा मुबा
ओम चाङ्गेनला
फेबान शान थेन तेन्बा मुबा
सम्बैधानिक, न्यायिक
थेन स्यान्दो ग्लारि नोन
ह्राङ्लान ताङ्बाला नियुक्ति मुबा
आलेसे ज्योज्योदा किस्तीरि
थान्सि साँचो पिन्बा
रेदाङ्सेला प्रतिज्ञा मुबा
दाते जेक्खे आहिन लिच्छादोना
छ्याम नोन निबा ग्रानखिबा मुबा
चौरासीला चुनाब डिक्सि लड्तिबा
थेन अभूतपूर्व डाबा
ज्याबा म्हाङ थेन
कोङ्बा ग्रानखिबा मुबा
छोर्मुबा, क्यार लिउदोना
सत्ताला ह्रोल्हाम सुनिश्चत मुबा
प्रतिपक्ष क्यार ठाम मार ठाम
थेन तोर ठाम मार ठाम मुबा
मूर्धन्य स्योमिजुगुला जय व्हाइ मुबा
भजन काइपाजुगुला ए ख्लागो ङा ख्लागो मुबा
ह्युल लोकतान्त्रिक समृद्धिला ल्हामरि
स्युगसे छ्योङ्बा मुबा
श्री ३ दा म्लेना लाबा सवारी
थेन हाउभाउ मुबा
ठुटे सुङरेला ताउ मुबा
कार्यकर्ताजुगुदा राम राज्य मुबा
सामाजिक सञ्जालला
खारे च्यार्बा मुबा
ओस्बान अभियोगरि खालाइदा सास्ती मुबा
तासाइ ह्राङ्लाजुगुदा उन्मुक्ति मुबा
ग्रेन भ्रष्टाचारला फाइलसे
स्वा क्रेसि चिबा नाछाल मुबा
सुनामी खाबा ङ्हाच्छा दोना
चुह्राङ्बा चुह्राङ्बान ह्युलरि स्यान्दो नोन
तिगा तिगा मुबा, तिगा तिगा मुबा !
दोःबा : यकिना अगाध
तपाईको प्रतिक्रिया दिनुहोस