याम्बु । नेपाल तामाङ घेदुङ मलेसिया, थुमकि दाछोक जोहोरला चोहो मंगल तामाङला चोहोदानरि २६ अप्रिल २०२६ दिनिरेकुनु जोहोररि मुबा जो होटलरि गेन्दुनला दिङ्साङ्काप्तोन दाङ्बा मुला । गेताङरि गेन्दुनला नियमित सोमछा चिसाङ नोन चिबा मुबा ।

गेताङला ग्रेनडोन्बो नेपाल तामाङ घेदुङ मलेसियाला जामेकोला स्यानचोहो सम्झना तामाङ मुबा बिसाम डोन्बोजुगुरि नेपाल तामाङ घेदुङ मलेसियाला जामेकोला गाउराइ दिना मोक्तान, घेदुङ मलेसियाला न्होरचोहो नवराज रुम्बा तामाङ मुबा ।

दिङ्साङ्काप्तोनरि चिबा चिसाङसे खाबा रेरि नेपाल तामाङ घेदुङ मलेसिया थुमकि दाछोक जोहोरदा ज्याना लासि ङ्हाच्छा बोर्बारि मोक्कोन तामाङ समुदायदा ग्लागिरि बासेला आप्ता लाबा मुला । छ्यामरि, तमाङ ग्योइ थेन रिमठिमफिरि नोन गे लासेला आप्ता लाबा मुला ।

(छिगकि दोनः थुमकि– क्षेत्रीय, दाछोक– समिति, स्योल्जि– सम्पन्न भयो, दिङ्साङ्काप्तोन– वार्षिकोत्सव, गेन्दुन– संस्था, स्यानचोहो– उपाध्यक्ष, आप्ता– निर्णय)