मोरङ । नेपाल तामाङ घेदुङ, मोरङ जोङला ८ छा छेजोम दुगु १३ गते दिनिरे रिन्छेन छ्योइलिङ गुम्बा सुन्दरहरैचा १० बिराटचोकरि ताजि ।

गेताङ नेपाल तामाङ घेदुङला ङ्हाच्छाला चोहो ओसेम स्ह्यानह्युल अन्तर्राष्ट्रिय तामाङ सेङजाङला ङ्हाच्छाला चोहो महेन्द्रजंग तामाङला ग्रेनडोन्बोरि ताबा मुबा । गेताङला विशेष डोन्बो घेदुङला विभागीय ग्रेन्पो मित्र्सेन तामाङ, प्रदेश नम्बर १ ला चोहो अजय लोप्चन तामाङ, संघीय ह्रोमि ङ्ही डिलबहादुर पाख्रिन थेन शान्त मोक्तान मुबा ।

गेताङरि स्यान्दो डोन्बोजुगु ङ्हाच्छाला प्रदेश चोहो रेखबहादुर  योन्जन, प्रदेश ह्रोमि इन्द्र लामा छ्याम स्थानीय गोछापा थेन तामाङ समुदायसे बोकिन्बा मुबा ।

गेताङ जोङ चोहो रामकुमार न्यासुर तामाङला चोहोदानरि ताबा मुबा ।

छेजोमसे राजकुमार योन्जनला चोहोदानरि छार गेदाछोक स्होबा मुला । स्यानचोहोरि मनमाया तामाङ थेन यमकुमार योन्जन मुला बिसाम गाउराइरि सीता गोले, छ्यागाउराइरि दीपक तामाङ मुला ।

न्होरचोहोरि पुजा सिग्देल तामाङ मुला बिसाम ह्रोमिजुगुरि युना तामाङ, सुकमाया लामा तामाङ, लिलामाया तामाङ, महेन्द्रबहादुर तामाङ थेन इन्द्रा तामाङ मुला ।

(छिगकि दोनः छेजोम– अधिवेशन, स्यानह्युल– अन्तर्राष्ट्रिय, सेङजाङ– परिषद्, ग्रेन्पो– प्रमुख, जोङ– जिल्ला, गेदाछोक– कार्यसमिति, स्यानचोहो– उपाध्यक्ष, छ्यागाउराइ– सहसचिव, ह्रोमि– सदस्य)