ह्राङ्दा ङाइ ङोसेबा आरे
ज्योज्यो ताला व्हा आले ?
आकु ताला व्हा आस्याङ ?
आखेमि हिन्नोन आहिन ताला ... !
ह्राङ्ला छानए थाहा आरे,
लि स्ह्यालए म्राङ्बा आरे
तासाइ, सात्तान
ङाइ ब्रिबा ङाला सेमला छिगकादेदा
ह्राङ्से जाम्बुलिङरि ड्वाबा म्राङ्मा
खालाङ आहिन खालाङरिम
ह्राङ थेन ङाला सेम थुइबा मुला व्हा म्हान्मु ।
ङाला व्हाइखाकादेदा
ह्राङ्से दोन्बा थे जाजाबा ह्राङ्बा म्राङ्बा ग्ला
ङाइ मु ह्राङ्नोन ग्रेन म्राङ्मुला
तिल्दा बिसाम,
थे ग्याम्सेन ङाला सेमला काइकादे
ब्याप फ्रेङ्सि फ्याङ्बा लोप्ला ।
गिसेम गि ङो आसेसाइ ह्याङ्मि
चुदे ङाम्ला म्हान्बादा लागिरि थुजेछे
ज्यार्दि ग्योइरि ब्रिबा ङाला व्हाइखाकादेदा
ह्राङ्ला ग्योइरि दोःबादा लागिरि थुजेछे
कुटिसि दान्छ्यासि ङादा ह्रो लबादा लागिरि थुजेछे !
ह्राङ खालाङ दाम्मान स्ह्युसाइ
ह्राङ्ला ल्हुइला छेह्रेङगाइ
सेम तिङ ह्यान्देन ज्याबाम्हान्बा !
तेमाल, काभ्रे, दान्ते : टोकियो, जापान ।
तपाईको प्रतिक्रिया दिनुहोस