बेल्बो–गोने आहिन
तासाइ मु तिनि न्हाङ्गार निरन्तर क्राचिबा मुला...
नाम्दुङ–दुगुला दिनि म्हासि
खासुसे ह्राङ्ला दुःख ल्हुचिबा मुला । 
चु जेक्खे क्युइ आहिन 
चु ह्राङ्ज्युङला मिख्लि हिन्ना ।
कोल्मेला अहंकार
उदण्डता थेन मि आम्राङ्बा फेल्गेबाला स्हेर ताइबा । 
ह्याङ्से ह्रिला कु ज्योर्सि ग्यालाम स्होजि
स्योङदा सिमेन्टसे खिजि
लाबारि म्युगु छ्योल्जि 
ओम ह्राङ्ज्युङदा जेक्खे उपयोगला स्हे म्हान्जि । 
तिनि थेनोन ह्राङ्ज्युङ
ह्राङ्लान ग्योइरि बिबाकेन मुला
न्हा खासुला ठेङ्बा संयोग हिन्ना
न्हा चु मि बेमौसमी झरी साधारण ।
चु चेतावनी हिन्ना
याखारगि मौन विद्रोह हिन्ना
थेसे बिचिमुला–
‘एसे सीमा आगोते दोना
ङा ह्राङ्लान नियमरि ब्राचिला...’
दातेला चु झरी
जेक्खे मौसमला ल्हेबा पोबा आहिन
चुमि दुइला कठोर ङ्योइबा हिन्ना–
‘कोल्मे, दारे नोन आगोसेला हिन्ना ?’

(छिगकि दोनः बेने– असार, गोने– साउन, नाम्दुङ– चैत, दुगु– वैशाख, ह्राङ्ज्युङ– प्रकृति, कोल्मे– मानव, फेल्गेबा– विकास)

दोःबा : यकिना अगाध