छार सरकार खाजि ह्याङ्ला नेपाल ह्युलसारि
म्हान्बा मुबा छारनोन सरकार खामामि 
प्राङ्बो ह्युल्बाला दुङालला ल्हामकादे म्हासिनिला ।
छार सरकार खासि न्हाङ्गार रेदाङ्से ह्रान्देन
प्राङ्बोसे चाबा थुङ्बा बेनान स्हेला साइ नोन ल्हेजिम
प्राङ्बो मजदुरला टुला साइ आल्हेजिम ।।
जाकार जाकार लासि स्होसि बाबा न्होर
गोर्गि छोङ्खाङरि चाबा म्हार छ्युकु ग्लुमान थुम्बेजि
प्राङ्बोसे चाबा स्हेकातेला साइसे मु थुर्जि ।।
ग्लुसि चाबा स्हेला साइ ल्हेबाला छ्याम छ्याम
प्राङ्बोला स्हेर थेन दुङालकादे झन्झन् ल्हेजि ।।
ओते जेक्खे आताना सासेम थिबाह्राङ मुसेम नाङ्बाह्राङ
सेम्ला दुङाल्ला रापकादे सेबारि आखाम्जि
प्राङ्बोला दिमरि डोजर बासि डोजारसे ख्वाजि
डोजर जाङ्सि ख्वाबारि आपुङ्माम खारेरिन थुप्ज्योर्जि ।।
प्राङ्बोजुगु खालाइला कुदापरि मे सिजि 
खालाइला म्हुन ताबा ब्राङ थिपल्हुजि
चाबारि कान आरे टिबारि बास आरे
खाइ ङानि प्राङ्बो खालाङ निउ ओम सरकार ?
कि एसे ङान्ता टिबातेन चाबारि डिछ्या लाउ
कि ङानिला ल्हुइफिरिन डोजर चलाप लाउ ।

(छिगकि दोनः स्हेर– पीडा, राप– कथा, डिछ्या– व्यवस्था)