याम्बु । गोले तामाङ वंश उत्थान समाजला १० छा ग्याल्साङ जोम्बा ड्वाफ्रे ४ गते याम्बुला गोङ्गबु नयाँबसपार्कला सौगात पार्टी प्यालेसरि आयोजना लाबा मुला ।

गोले बंश उत्थान समाज २०७० दिङ ड्वाफ्रे ४ गते स्हेङ्सि २०७० दिङ म्हेनिङ १७ गते याम्बु जोङ प्रशासन गेदिमरि जय गोले तामाङला नेतृत्वमा विधिवत स्ह्रुगरि दर्ता तासिमाम संचालनरि खाबा गेन्दुन हिन्ना ।

गेताङदा छुना लाबारि ग्याल्साङ स्तरला कलाकारजुगुसे प्रस्तुति पिन्सेला मुला । गेताङरि ह्युलनाङ ग्याम ल्होलो जोङग्याम गेन्दुनला गोछापाजुगुसे बोकिन्सेला मुला । गेताङरि गोले ह्रुइला ङोसेबा, ज्योस्हेङ, रिमठिम, फोला ल्होलोदा ग्क्खिे स्होबारि काठुइ तासेला मुला ।

जोम्ना सफल ताना लाबारि समाजला चोहो मीनप्रसाद गोलेला नेतृत्वरि ७ ह्रोमिकि डिछ्याबा दाछोक स्होबा मुला ।

(छिगकि दोनः ग्याल्साङ– राष्ट्रिय, जोम्बा– भेला, स्ह्रुग– रुप, गेन्दुन– संस्था, छुबा– रोमाञ्चक, गोछापा– प्रतिनिधि, ज्योस्हेङ– कला, ह्रोमिकि– सदस्यीय, डिछ्याबा– व्यवस्थापन, दाछोक– समिति)