मे जात्थेबान मुगाइ सेबासे
मेतेन क्लाङ्बान ताला 
क्लाङ्नोन तोला । 
आहिन्साम मेसे झन अनिष्ट लाला ।

मे खाइमादाम्मान चोल्सि आचि
थेसे आततयी लि किन्माहेन्से
लिच्छारि फासफोसे निबा
ग्याम चुङ्सि सिनोन तोला ।

ओम,
ग्युर्ना लासिन ख्लाला मेला योद्धासे
मेफ्राला बोरि
ग्युर्बान ताला मुतेबा मे
मलिलो साप्रारि । 
मे थेन ज्वालामुखी आनिम हिन्ना
स्हिवाङ ज्याबा डिछ्या गिक्खे जेक्खे निम हिन्ना । 
मे सिबा मेफ्रा फिरिन
क्युरक्युरबा पिङ्गाइ ल्हेबा लाला ।

६ दुगु २०७९

(छिगकि दोनः ग्युर्बा– परिणत, आनिम– अस्थाइ, स्हिवाङ– शान्ति, निम– स्थायी, डिछ्या– व्यवस्था, क्युरक्युर– लहलह)

दोःबा : यकिना अगाध