याम्बु । नेपाल आदिवासी जनजाति गेन्दुनछेन (नेफिन) से आदिबासी जनजातीजुगुला याङ्ताम थेन ग्याल्साला निकायरि च्योच्यो बोकिन्बारि सुनिश्चित लाबारि ह्रो लाबाला लागि नेकपा (एमाले) थेन नेपाली कम्युनिष्ट पार्टी (नेकपा) दा १८ बुँदे अडानस्यो पिन्बा मुला ।

दुगु २९ गते मिरे नेकपा (एमाले) केन्द्रीय गेदिम च्यासल थेन नेकपा मुख्यलाय पेरिस गाङरि गेन्दुनछेनसे नेकपादा अडानस्यो पिन्बा हिन्ना । घेन्दुनछेनला ग्रेनगाउराइ विमल सारु मगरसे ह्युलरि रेम रेम ताबा ग्यालठिपा ग्युरपोबा, ह्युलठिम स्हेङ्बा, संघीयताला ग्यारेम ओसेम निर्वाचन स्योल्साइ नोन आदिवासी जनजातिला म्रु मुद्दा थेन याङ्ताम दातेनोन प्रभावकारी स्ह्रुगरि ताबारि आखाम्बा पाङ्जि । ह्युलठिमसे प्रत्याभूत लाबा च्योच्यो बोकिन्बा थेन समावेशी ग्याल्सा स्हेङ्बा दोन्डुब ह्रेवारि क्योङ स्ह्रुगरि कार्यान्वयन ताबारि आखाम्बा थेला गुनासो मुला ।

गेन्दुनछेनसे आदिवासी जनजातिला हक–याङ्ताम, समानुपातिक गोछापा, ग्युइसेर, रोजगारी, ग्योइ थेन रिमठिमला ख्युरछ्या थेन आप्ता प्रक्रियारि प्रभावकारी बोकिन्बादा पार्टीला स्पष्ट नीति ओसेम गेताङरि प्राथमिकताला छ्याम समावेश लाबारि म्होइजेन लाबा मुला । समावेशी, न्यायपूर्ण थेन अवसरयुक्त नेपाल स्हेङ्बाला लागि ग्यालठिपा दलजुगुसे ठोस पहल थेन स्पष्ट प्रतिबद्धता उन्तोबा थेसे पाङ्जि ।

उहाँले भन्नुभयो,  ‘मुलुकमा भएका राजनीतिक परिवर्तन, संविधान निर्माण, संघीयताको अभ्यास तथा पटक पटक निर्वाचनपछि आउने सरकारले आदीवासी जनजातीका मुल मुद्दा र अधिकार सम्बोधन नगरेको उहाँले बताउनुभयो । संविधानले प्रत्याभुत गरेको समान सहभागिता र समावेशी राज्य निर्माणको लक्ष्य पूर्णरुपमा हासिल हुन सकेको छैन।

नेपालला लोकतान्त्रिक ङ्योलोक थेन समावेशी ग्याल्सा स्हेङ्बारि नेपालरि कम्युनिष्ट पार्टीला दोङरापकि भूमिका थेन योगदानदा दृष्टिगत लाबान आदिबासी जनजातिला याङ्ताम सुनिश्चित लाबारि ह्राङ्निला विशेष नैतिक, दोङरापकि थेन ग्यालठिपा जिम्मेवारी मुबा ङान्ना ठहर मुला, आदिवासी जनजातिला हक याङ्ताम, समानुपातिक गोछापा, ग्युइसेर, रोजगारी, ग्योइ, रिमठिम ख्युरछ्या थेन आप्ता प्रकियारि प्रभावकारी बोकिन्बादा सुनिश्चित लाबा नुरदा पार्टीला स्पष्ट नीति ओसेम गेताङग्याम्से प्राथिमकतारि थान्बारि म्होइजेन लाला ।’ थेसे पाङ्जि । 
चु दुइसाङरि गेन्दुनछेनला चोहो निमी लामा ह्योल्मो, स्यानचोहो अमृत सुनुवारला छ्याम स्यान्दो पदाधिकारीजुगुसे बोकिन्बा मुबा ।

(छिगकि दोनः गेन्दुनछेन– महासंघ, याङ्ताम– अधिकार, ग्याल्सा– राज्य, स्यो– पत्र, मिरे– मंगलबार, ग्यालठिपा– राजनीतिक, ग्युरपोबा– परिवर्तन, ह्युलठिम– संविधान, ग्यारेम– अभ्यास, स्योल्बा– सम्पन्न, म्रु– मूल, स्ह्रुग– रुप, दोन्डुब– लक्ष्य, ह्रेवा– व्यवहार, गोछापा– प्रतिनिधि, ग्युइसेर– शिक्षा, ख्युरछ्या– संरक्षण, आप्ता– निर्णय, ङ्योलोक– आन्दोलन, दोङरापकि– ऐतिहासिक, नुर– विषय, स्यानचोहो– उपाध्यक्ष)