म्हाङकादे  नोन ठाम्जिबा मुला पोप्सि म्राङ्बा स्होबा
मार सान्हाङरि फाप्जिबा मुला गोप्सि म्राङ्बा स्होबा ।।

हाइमा ब्लाप्पा हाबा लासि चिबा म्हाङ आम्राङ्ना
सातान थेदान ताप्जिबा मुला सोक्सि म्राङ्बा स्होबा ।।

यारि फ्लान हाला व्हा म्हान्बा सफलताला म्हाङकादे 
दाते नोन ह्वाङरि  गाप्जिबा मुला छोप्सि म्राङ्बा स्होबा ।।

कर्मला ब्रिगुसे थोप्पारि ब्रिबाला मुग्याम आरेग्याम
ग्लुसि ह्राङ्दा हाप्जिबा मुला थोप्सि म्राङ्बा स्होबा ।।

गि गाङ गि होप तासिमाम व्हा थे थेन छ्याक आथुजि
आसला माक्र्याङ राप्जिबा मुला रोप्सि म्राङ्बा स्होबा ।।

थोर्बाराङ कालकोल ताबा खाँबि ग्यालाम स्याप्पा पुल्छे
ग्याम आम्राङ्ना पाप्जिबा मुला गोप्सि म्राङ्बा स्होबा ।।