सिन्धुपाल्चोक । नगरग्रेन्पो आइतमान तामाङला चोहोदानरि २३ गते नाबिङरे नगरपालिकाला छोबाहलरि स्थानीय विपद् ओसेम छ््युलुङ उत्थानशील ग्यात ढाँचा तर्जुमा ब्रेल्चिबा तिरेला ग्रा ह्रुप्बा ओसेम क्षमता अभिवृद्धि गेताङ स्योल्बा मुला ।

गेताङरि नगर ग्रेन्पो तामाङसे विपद् डिछ्याना गेरि स्थानीय सरकार नागरिकला मोक्कोन बिमा ङामला सरकार ताबासे वडाचोहोजुगुला भूमिका झन महत्वपूर्ण चाबा पाङ्जि । थेसे स्थानीय तहरि विपद् जोखिम च्याङ्ना लाबा थेन छ्युलुङ उत्थानशील योजना स्हेङ्बाला लागि चुह्राङ्बा गेताङ प्रभावकारी तासेला उल्लेख लाबान खाबा ग्रा, सुझाव थेन अनुभवदा ह्रेवाकि कार्यान्वयनरि थुइसेला धारणा थान्जि ।

ग्याल्साङ विपद् जोखिम च्याङ्ना लाबा ओसेम डिछ्याना प्राधिकरण, सिंहदरबार, याम्बुला न्होरकि ह्रोरि आयोजित गेताङरि स्यानग्रेन्पो उमा प्रधान, ग्रेन्पो प्रशासकीय अधिकृत निमेष मिश्र थेन वडाचोहोजुगु नगेन्द्रप्रसाद खतिवडा, पासाङ दोङ, चन्द्रबहादुर तामाङला छ्याम स्यान्दो सरोकारवालाजुगुसे बोकिन्बा मुबा । 

(छिगकि दोनः छ्युलुङ– जलवायु, ब्रेल्चिबा– सम्बन्धी, ग्रेन्पो– प्रमुख, छोबा– सभा, ग्रा– सूचना, स्योल्बा– सम्पन्न, डिछ्याना– व्यवस्थापन, ह्रेवाकि– व्यवहारिक, स्यानग्रेन्पो– उपप्रमुख, न्होरकि– आर्थिक)