क्राथोरि खासु सार्सि चिबा
खाइमाइ नोन क्राआसेबा
स्ह्यालरि ज्योमोगाङ ङेचिबा
कुरि पाडाम्हेन्दो सार्चिबा ।।
गोइलो क्वान्ना पोसि ल्होलोला
खाइमा पाडाम्हेन्दोला गोइलो क्वान्ना ह्रिनोन वापवाप ताना
खाइमा ज्याकारन्डला गोइलो क्वान्ना याम्बु शहर जेना
खाइमा सप्तरंगी गोइलो क्वान्ना लाग्र्युङ ह्राङ फेना ।।
नेपाल आमाला कुग्याम केबा बुद्ध कोला
चु जाम्बुलिङरि खाइमाइ आसिबा मुला सार दोसि फेला
नेपाल आमाला केग्याम स्योङ गान्दि ब्योङ्जि
लाबा सुङ्सुर तिप्लिङ खासाइ ङेचिला ग्लिङम्हेन्दो दोसि ।।
ङादाम देवाचेन चु ह्युलरि
ङादाम दुख नोन चुरि, सुख नोन चु ह्युलरि
ह्युल फिह्युल खान्दामान निसाइ ङादाम
ह्युलला डान्बा खाला मुरि मुरि ।।
ङामि सोसाइ चु ह्युलरि सोगाइ
तिलाइ लासि चु ङाला बु निसाइ
चु ह्युलरि निगाइ
साम्साइ चु ह्युलरिन साम्सि निगाइ ।।
महाभारत गाउँपालिका वडा नं. ३, योन्जनडाँडा, काभ्रेपलान्चोक ।
(छिगकि दोनः क्राथो– शीर, देवाचेन– स्वर्ग, फिह्युल– विदेश, बु– प्राण, ज्योमोगाङ– हिमाल, साम्बा– ओइलिनु)
तपाईको प्रतिक्रिया दिनुहोस