सत्ता–बाङ न्हाङरि
न्यायला काइ म्हाला
थेला जेक्खे स्वार्थला होङ्होङ ।
च्योच्योला ह्याल
सिमित ख्युर्बारि थेला
कमजोरला मिख्लि
अदालतला म्राप माङ्ग्यार नोन ङार्ला ।
न्याय बिबा
मोक्कोनला लागि होन्दोलोङ मु हिन्ना,
तासाइ खाइमा बाङ मुबासे
मुदा ह्राङ्ला कु न्हाङरि डुङ्ला,
थेदुइरि सार–लानि सुताइ
च्योच्यो आम्राङ ।
न्याय च्युप्मा
समाजला गो क्युइला
विश्वासला चाम बोला
ओम ह्युल्बाला काइ
विद्रोहरि ग्युरला ।
न्यायदा जाजा ख्युर्बारि
डुङ्बा याजुगुदा
दोङरापसे खाइमाइ क्षमा आला ।
(छिगकि दोनः होङ्होङ– प्रतिध्वनी, च्युप्बा– संकुचित, ग्युरबा– परिणत, ख्युर्बा– घेरो)
दोःबा : यकिना अगाध
तपाईको प्रतिक्रिया दिनुहोस