मोजुइचिजि आडिक्बासे
चिसिमाम जाम्बुलिङला मानचित्र ङ्हाच्छा
मसी हिन्ना व्हा का ?
आखाम्नि फेबारि छोन
खाल्से फेबा मुला ह्युल ।
च्याना च्यानान तिक्खुरि डाङ्डोङ रेजि ङ्हाउ
ब्लेब्ले म्राङ्ना मिला ङ्हाच्छा
लिङ आरेबा, खानाङए लिङ्खिबा
युद्धला कोलाहलसे
स्हिवा आरेबा दोबा मुला जाम्बुलिङ मानचित्र ।
होङ्चिमुला लोङ्खेप्पा काइजुगु
अटिला द हुनला गोङ्माल्हेबा
प्रष्टन थेला दाते नोन
यूरोपला गल्लीजुगुरि, चेजुगुरि ।
घन्काप लाचिबा मुला डाबाला शङ्खघोष
चंगेज खानला मङ्गोल सेनाजुगु
ओम, दार्चिबा मुला छोनछोन मानचित्ररि
एसियाला तिङ ।
क्रोबाकेन मुला तैमुर ग्याल्सा
चौधौँ ल्होग्यार्जाला थे डाबाला विरासत
कासे च्युर्बा म्युगुरि
ओम क्रोबा मुला मानचित्र ।
ब्लुम्बाकेन मुला याखारगि युग दोपरि
हिटलर कोबाकेन मुला अतिराष्ट्रवाद
ओम लयरि ब्लुम्सिकेन निबा जाम्बुलिङ
म्लाङ दोबा मुला मानचित्र ।
प्रतिशोधरि क्रोबा दोङरापला पन्नाजुगु
दोजिन्बा आरे मेफ्रा ।
(छिगकि दोनः मोजुइबा– घोत्लिनु/झोक्रिनु, ङ्हाउ– विगत, लिङ आरेबा– श्रृंखलाहिन, लिङ्खिबा– श्रृंखलाबद्ध, स्हिवा आरेबा– अशान्ति, चे– मैदान, ग्याल्सा– राज्य, ल्होग्यार्जा– शताब्दी, ब्लुम्बा– डुबेको)
दोःबा : यकिना अगाध
तपाईको प्रतिक्रिया दिनुहोस